කොළඹට ලැබුණු ගිනි නිවන රථ ගමට ගෙන යෑමට සූදානමක්

(සුජිත් හේවාජුලිගේ සහ අංජුල මහික වීරරත්න )

කොළඹ ගිනි නිවීම් සේවා දෙපාර්තමේන්තුවට ලැබුණු උස ගොඩනැගිලිවල ගිනි නිවීම සඳහා භාවිතා කෙරෙන ගිනි නිවීමේ රථ 15කින් කොටසක් ඇතැම් ඇමැතිවරුන් තමන්ගේ පළාත්වලට රැගෙන යෑමට උත්සාහ දරමින් සිටින බව එම දෙපාර්තමේන්තු ආරංචි මාර්ග කියයි.

යුරෝ මිලියන 10 ක පමණ වියදමින් මෙම වාහන මිලදී ගෙන ඇත්තේ කොළඹ නගර සභාවේ ගිනි නිවීම් සේවා දෙපාර්තමේන්තුව සඳහාය.

මේ පිළිබඳව සමගි ජනබලවේගයේ කොළඹ දිස්ත්‍රික් මන්ත්‍රී මුජිබර් රහුමාන් මහතා රාජ්‍ය සේවා පළාත් සභා හා පළාත් පාලන අමාත්‍ය ජනක බණ්ඩාර තෙන්නකෝන් මහතාට පැමිණිල්ලක් කර ඇත.

උස ගොඩනැගිලි 200කට වැඩි සංඛ්‍යාවක් ඇති කොළඹ නගරයට අවශ්‍ය කෙරෙන මෙම ගිනි නිවීමේ වාහන පිට පළාත්වලට රැගෙන යෑමෙන් ඇති ප්‍රතිඵලය කුමක්දැයි තමා ප්‍රශ්න කරන බව මුජුබර් රහුමාන් මහතා ඉරිදා ලංකාදීපයට පැවැසීය.

අදහස් (5)

කොළඹට ලැබුණු ගිනි නිවන රථ ගමට ගෙන යෑමට සූදානමක්

ravin Saturday, 27 November 2021 01:24 PM

ඇයි දන්නේ නැද්ද.? වැඩිදෙනාගේ අවයව පිහිටලා තියෙන්නේ වැරදි තැන්වල කියලා.

: 1 9

sathyapala Saturday, 27 November 2021 01:30 PM

මේවා තේරෙන්නේ නැතුවද අහන්නේ? ඇයි මේවා අරන් යන්නේ කියලා. මේවා අරන් ගිහින් ටික දවසක් ගියාට පස්සේ කොළඹට ගිනි නිවන රථ මදි කියලා අලුතින් ගන්නවා. එතකොට තව කෝටි ගාණක් කාගේ හරි සාක්කුවට යනවා. ගන්න ඉස්සර බලන්න පවුල් පිටින් පිටරට සවාරි ලැබෙනවා. ඔය හැම ආණ්ඩුවක්ම අලුතින් ආව ගමන් වාහන අංක තහඩු වෙනස් කරන්නෙත්, හැඳුනුම්පත් සහ රියදුරු බලපත් වෙනස් කරන්නෙත් මේ නිසා....

: 2 12

nimal Saturday, 27 November 2021 04:27 PM

පොල් කඩන්න වෙන්න ඇති....

: 0 8

මසිරිපාලSaturday, 27 November 2021 06:06 PM

වෙනම අදහස් නොදක්වා නිමල්ගේ අදහසටම ඉදිරිපත් කරන්නේ මමත් එක් මහනගර සභාවක වැඩකරපු නිසා එහෙත් ගිනි අංශයක් තිබුණා මම හිටපු කාලයේ කිසිම දිනක ගින්නක් ඇති නොවුණාට ප්‍රභූන් ආරක්ෂා කිරීමට ඔවුන් පැමිණෙන දිනවල රාජකාරි සඳහා ගියා.. වෙනත් කිසිවක් නැතුව අනන්තවත් අතිකාල දීමනා සහ නිවාඩු දින වැටුප් වැනිදේද ගත්තේ ගෙවන වැටුපට අමතරවයි. සමහර මාසවල දැඩිසේ මුදල් ප්‍රශ්න ඇතිවීමට මේ කටයුතු හේතු වුණා. මේවා ගැන හරි විගණනයක් කලොත් සත්‍ය පැහැදිලි වේවි. එ් නිසා දේශපාලුවන් ගන්නා ඔලමොට්ටල තීන්දු ගැන නැවත සලකාබලා මෙම තීරණය අවලංගු කරන්න..

: 0 7

Siri Sunday, 28 November 2021 07:55 AM

පිට පළාත්වල කොළඹ තරම් උස ගොඩනැගිලි නැහැ. අවශ්‍ය ප්‍රමාණයේ කුඩා රථ ඇත්නම් කොළඹ තියෙන පරණ වාහන දෙන එකයි ඇත්තේ...

: 0 2