(සිතුම් චතුරංග)

යාපනය,කයිට්ස් වෙරළතීරයට මියගිය විශාල ප්‍රමාණයේ තල්මසෙකුගේ මළ සිරුරක් අද (15) ගොඩගසා ඇති බව යාපනය ධීවර පරීක්ෂක කාර්යාලය  පවසයි.

දින කිහිපයකට පෙර මියගොස් ඇති මෙම තල්මසා දිගින් අඩි  20 ක් පමණ වන අතර තල්මසාගේ සිරුර උදෑසන වෙරළට ගොඩගසා තිබියදී ධීවරයින් සොයාගෙන ඇති බවද සඳහන් කළේය.

හමුවු තල්මසාගේ සිරුරු සම්බන්ධයෙන් ධීවර පරීක්ෂක කාර්යාල නිලධාරීන් ඇතුළු පිරිසක් පරීක්ෂණ ආරම්භකළ බව පැවසීය.

කොළඹ වරය ආශ්‍රිතව ගිනි ගැනීමට ලක්වු නෞකාවේ බලපෑම මත අදාළ සාගර ජීවින් ජිවිතක්ෂයට පත්වන්නට ඇති බවට ධීවරයින් සැක පළ කරන බවද මන්නාරම හා කයිට්ස් ධීවරයෝ සැකපළ කරති.

තල්මසාගේ සිරුර සම්බන්ධයෙන් මන්නාරම හා යාපනය ධීවර පරීක්ෂක කාර්යාල නිළධාරීන් වැඩිදුර පරීක්ෂණ පවත්වයි.