කාන්තා දිනයදා ලක් කතුන්ගේ වික්‍රමය

(ටී.කේ.ජී.කපිල )

අදට යෙදී ඇති ජාත්‍යන්තර කාන්තා දිනය සැමරීම සදහා ශ්‍රී ලන්කන් ගුවන් සේවය කාන්තා ගුවන් නියමුවරියන්ගෙන් සහ අනෙකුත් ගුවන් යානා කාර්යය මණ්ඩලය ද කාන්තාවන් පමණක් ඇතුළත් ගුවන් යානයක් අද උදෑසන ඉන්දියාවේ ට්‍රිචි නුවර බලා කටුනායක ගුවන් තොටුපළෙන් පිටත් කර හැරිය බව ශ්‍රී ලන්කන් ගුවන් සේවයේ ආයතනික සන්නිවේදන කළමනාකරු දීපාල් පෙරේරා මහතා පැවසීය .

මෙම ගුවන් නියමුවරියන් ඇතුළු කාන්තා කාර්යය මණ්ඩලය අද දහවල් 11.10 ට ශ්‍රී ලන්කන් ගුවන් සේවයේ යූ.එල්.- 132 දරන ගුවන් යානයෙන් ගුවන් මගීන් 61 දෙනෙකු රැගෙන , ඉන්දියාවේ ට්‍රිචි නුවර සිට කටුනායක ගුවන් තොටුපළ වෙත පැමිණ තිබුණි .

ඔවුන් අද උදෑසන 08.10 ට ශ්‍රී ලන්කන් ගුවන් සේවයේ යූ.එල්.- 131 දරන ගුවන් යානයෙන් ඉන්දියාවේ ට්‍රිචි නුවර බලා , ගුවන් මගීන් 67 දෙනෙකු රැගෙන කටුනායක ගුවන් තොටුපළෙන් පිටත් වී ගොස් තිබුණි .

මෙම ගුවන් ගමන සදහා ඒ.- 320 එයා බස් වර්ගයේ ගුවන් යානයක් යොමු කර තිබූ අතර ප්‍රධාන ගුවන් නියමුවරිය ලෙස කපිතාන් චාමිකා රූපසිංහ සහ සහාය ගුවන් නියමුවරිය ලෙස පළමු පියාසර නිලධාරී බිමාලි ජීවන්දර කටයුතු කර තිබුණි .

මීට අමතරව ගුවන් යානා කාර්යය මණ්ඩලය ලෙස තවත් කාන්තා නිලධාරිනියන් 05 දෙනෙකු ද සහභාගී වී සිටියහ . ඔවුන් අතර ගුවන් කාර්යය මණ්ඩල ප්‍රධානී රොෂානී දිසානායක , ගුවන් මැදිරි අධීක්ෂක උපුලි වර්ණකුල , ගුවන් සේවිකා ලක්මිණි දිසානායක , ජයකළණි කින්සන් සහ හර්ෂි වල්පොල සිටියහ ‍.

අදහස් (9)

කාන්තා දිනයදා ලක් කතුන්ගේ වික්‍රමය

Namal Wednesday, 08 March 2023 01:59 PM

ගමන ආරම්භයට පෙර මගීන්ට මේ බව දැනුම් දුන්නාද?

: 18 11

උපාලි Wednesday, 08 March 2023 02:12 PM

අගෙයි, අගෙයි.... හරි සතුටුයි. ජයවේවා...! රටේ අපහසු කාලයේ රට දාලා යන අයට හොඳ ආදර්ශයක්....!

: 2 17

Prabha Wednesday, 08 March 2023 03:10 PM

යන්නේ හොම්බෙන් නමුත් ආටෝපේ නම් අඩුවක් නෑ

: 3 4

පිටිගල මිලානෝ Wednesday, 08 March 2023 03:37 PM

කාන්තා දිනේට නම් නිතං ටිකට් එකක් දුන්නත් ශ්‍රීලාංකන් නම් යන්නේ නැහැ. අනිත් එක මගීන්ට මේ බව කලින් දැනුම් දෙන්න ඕන එතකොට කල් ඇතුව දිනේ මාරු කරගන්න පුලුවන්නේ.

: 14 10

fairoos Wednesday, 08 March 2023 05:20 PM

සියලු දෙනාටම සුබ කාන්තා දිනයක් වේවා..!

: 1 8

Bamunuaracchi Thursday, 09 March 2023 03:06 PM

නියමයි, ලස්සනයි එයාර් ලංකා එකේ 60 පිරුණු බාලිකාවන්ගේ වික්‍රමය.

: 1 1

Jayantha Thursday, 09 March 2023 09:51 PM

නියමයි

: 0 0

Jayantha Thursday, 09 March 2023 09:58 PM

සමහරු විවේචනය කරන්න පුළුවන්. ඒත් ඒක ලොකු ජයග්‍රහණයක් කියලා මට හිතෙනවා. සමහර මම කියන්නේ සම හරක්.

: 0 0

herathFriday, 10 March 2023 02:55 PM

සමහරක් නොවන මනහරක් වන අය...!

: 0 0