කුණු ගෙනියන රථ ගන්න ජපන් සල්ලි

(අංජුල මහික වීරරත්න)

කසළ ප්‍රවාහනය සඳහා භාවිත කරන Garbage Compactors මිල දී ගැනීමට ජපන් යෙන් මිලියන තුන්සියයක ප්‍රදානයක් ලබා ගැනීම සඳහා කැබිනට් අනුමැතිය ලැබී ඇත.

ශ්‍රී ලංකාව පිරිසිදු, තිරසර සහ පාරිසරික වගකීම් සහිත මොඩලයක් බවට පරිවර්තනය කිරීම ක්ලීන් ශ්‍රි ලංකා වැඩසටහන යටතේ අපේක්ෂා කරනු ලබයි.

ඒ සඳහා අවශ්‍ය දියුණු කසළ කළමනාකරණ යටිතල පහසුකම් නොමැති වීම ඉහත දැක්ම ළඟාකර ගැනීම සඳහා ප්‍රධාන බාධාවක් ලෙස හඳුනා ගනු ලැබ ඇත.

ශ්‍රී ලංකා රජයේ ඉල්ලීම මත ජපාන රජය විසින් යෙන් මිලියන 300 ක ප්‍රදාන ආධාර ලබා දීම සඳහා එකඟතාව පළ කර ඇති අතර, එම අරමුදල් බස්නාහිර, උතුර සහ නැගෙනහිර පළාත්වල පළාත් පාලන ආයතනයන්හි කසළ කළමනාකරණ ධාරිතාව වැඩි කිරීම සඳහා Garbage Compactors 28ක් ප්‍රසම්පාදනය කිරීම පිණිස යොදා ගැනීමට අපේක්ෂිතය.

මෙම ව්‍යාපෘතිය රාජ්‍ය පරිපාලන, පළාත් සභා සහ පළාත් පාලන අමාත්‍යාංශයේ අධීක්ෂණය යටතේ ක්‍රියාත්මක කරනු ලබන අතර එකී ව්‍යාපෘතිය යටතේ බස්නාහිර පළාත සඳහා 14ක්, නැගෙනහිර පළාත සඳහා 8 ක් සහ උතුරු පළාත සඳහා 6ක් වශයෙන් Garbage Compactors බෙදාහැරීමට යෝජිතය.

ඒ අනුව, ජපාන ආර්ථීක සහ සමාජ සංවර්ධන වැඩසටහන යටතේ එකී ප්‍රදානය ලබා ගැනීම පිණිස මුදල්, ක්‍රම සම්පාදන සහ ආර්ථික සංවර්ධන අමාත්‍ය වශයෙන් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.

අදහස් (8)

කුණු ගෙනියන රථ ගන්න ජපන් සල්ලි

රම්බොඩ Tuesday, 28 January 2025 01:36 PM

මේක නම් අත්‍යවශ්‍යම වැඩක්. ට්‍රක්ටර්වල කුණු ගෙනියනවා මග දිගේ හැලි හැලි. පළාතම ගඳ ගස්සවගෙන. මීට අමතරව ප්‍රධාන නගරවල ලොකු කුණු බක්කි තියන්න ඕන. එතකොට මිනිසුන් තැන තැන කුණු දාන්නෙ නෑ.

: 0 22

Nishan Tuesday, 28 January 2025 01:51 PM

ඒ කියන්නේ ඇමරිකානු ඩොලර් ලක්ෂ 2 කටත් අඩු ප්‍රමාණයක්. වැඩිම වුණොත් කුණු අදින ලොරි 3 ක් ගන්න පුළුවන්.

: 23 4

හෙල පුතාTuesday, 28 January 2025 02:32 PM

හරියට නිව්ස් එක කියෙව්වොත් මොකෝ. ඒකෙ තියෙනවා 28 කියලා. කලින් ආන්ඩුවකින් ගත්තා නන් තුනක්වත් නැති වෙන්න තිබ්බා.

: 4 18

Indhika Tuesday, 28 January 2025 02:25 PM

ලංකාවේ බදු ගැන මම දන්නේ නෑ. ජපානේ නම් කුණු ලොරි 20-30ක් ගන්න පුළුවන්.

: 0 8

Indhika Tuesday, 28 January 2025 02:28 PM

සොරි. බ්‍රෑන්ඩ් නිව් කුණු ලොරි 30 ඉදල 75ක් වගේ ගන්න පුළුවන්. සයිස් එක අනුව මිල ගණන් වෙනස්

: 0 10

Sam Tuesday, 28 January 2025 02:43 PM

නිකම් ලැබෙන අශ්වයාගේ දත් බලන්න එපා. මේක ජපානයෙන් නොමිලේ ලැබුණ දෙයක්. පසුගිය ආණ්ඩුවේ අමාත්‍යවරු වගේ කොමිස් ඉල්ලන්න එපා.

: 2 21

sam Tuesday, 28 January 2025 02:44 PM

නිසැකම දෙන අශ්වයාගේ දත් බලන්න එපා. පසුගිය ආණ්ඩුවේ අමාත්‍යවරු වගේ.

: 1 11

ravin Tuesday, 28 January 2025 02:48 PM

ඉස්සර වගේ කුණු ගෙනියන රථ වෙනුවට වී 8 ගනීද දන්නේ නෑ.

: 12 0

ඔබේ අදහස් එවන්න

දියත

දලුව වෙරළට සහල් උරයක ඇසුරූ සිරුරක් ගොඩ ගසයි

2025 මැයි මස 03 688 0

නොරොච්චෝල පොලිස් බළ ප්‍රදේශයට අයත් දලුව තම්බපණ්නී නාවික අණු කණ්ඩය අසළ වෙරල තීරයට අද (3 ) දින සහල් උරයක ඇසුරූ කාන්තා‍ මළ සිරුරක් සොයා ගත් බව නොරොච්චෝල පොල

පොලිස් ලොක්කාගේ රථය හැපූ රියදුරු අත්අඩංගුවට

2025 මැයි මස 03 991 0

පොලිස් අණ නොතකා පලාගිය මෝටර් රථයක් කොළඹ මහජන පුස්තකාලය අසලදී අපරාධ දිසාව භාර නියෝජ්‍ය පොලිස්පතිවරයකුගේ මෝටර් රථයේ ගැටී හානි සිදුකිරීම සම්බන්ධයෙන්

අරගල සමයේ දේශාපාලන පොඩ්ඩෝ වන්දි ගත් හැටි ඇමති හෙළි කරයි

2025 මැයි මස 03 1123 0

2022 අරගල සමයේ සිදු වූ කලබලයත් සමග මැයි 9 වැනි දින සිදු වූ ගිනි තැබීම්වලින් නිවාසවලට වූ හානිය වෙනුවෙන් හිටපු ප්‍රාදේශීය සභා නගර සභා මන්ත්‍රීවරු 92 ක් රුපියල