(යොහාන් භාසුර)

ඕමානයේදී විවිධ අතවරයන්ට මුහුණ දුන් ශ්‍රී ලාංකික කාන්තාවන් එරටට යැවීමේ ජාවාරමට සම්බන්ධ ජාලය මේ වන විට අනාවරණය කරගෙන ඇති බවත් එම සිද්ධිය සම්බන්ධයෙන් විදේශ සේවා නියුක්ති කාර්යංශය සහ පොලිසිය එක්ව විමර්ශනය ක්‍රියාත්මක කරමින් සිටින බවත් ශ්‍රී ලංකා විදේශ සේවා නියුක්ති කාර්යංශයේ සාමාන්‍යාධිකාරී ඊ. ඩී. බී. සේනානායක මහතා අද (21) පැවසීය.

ඕමානයේදී අතවරයට ලක්වූ කාන්තාවන් ජාවාරම්කරුවන්ගේ උවමනාට විදේශ සේවා නියුක්ති කාර්යංශයේ ගුවන්තොටුපළ කාර්යාලයට ව්‍යාජ තොරතුරු දී නීතියානුකූල නොවන ආකරයට විදේශගතවී ඇති බව කී සේනානායක මහතා කිසියම් පුද්ගලයෙක් සංචාරක වීසාවලින් විදේශගත වීම නතර කිරීමට විදේශ සේවා නියුක්ති කාර්යංශයට බලයක් නොමැති බව ද සඳහන් කළේය.

මෙම පිරිසෙන් වැඩි සංඛ්‍යාවක් ගුවන් මගින් එක්සත් අරාබි එමිර් රාජ්‍යයට ගොස් ගොඩබිම හරහා ඕමානයට ගොස් ඇති බව අනාවරණය වී ඇති බව ද සේනානායක මහතා වැඩි දුරටත් කීය.