(රංජන් කස්තුරි)

රටේ ආර්ථිකය දියුණු කිරීම සඳහා ජනතා විමුක්ති පෙරමුණ ඉදිරිපත් කරන වැඩ පිළිවෙල රටට හෙළි කරන්නැයි අභියෝග කරන බව තරුණ වෘත්තීයවේදීන්ගේ සංවිධානයේ ( එජාප ) ජාතික සංවිධායක කෝසල ජී. මුණසිංහ මහතා  පවසයි.

අද රට පත්ව ඇති තත්වයෙන් ආර්ථිකය ගොඩනැගීම සඳහා මේ රටේ සිටින එකම නායකයා රනිල් වික්‍රමසිංහ මහතා බවද වෙනත් කිසිදු නායකයකුට වර්තමානයේ පවතින ආර්ථිකය ගොඩ නැගිය නොහැකි බවද  මුණ සිංහ මහතා කීවේය.

රජයේ සේවකයන්ට වැටුප් වැඩි කරන්නැයි ජනතා විමුක්ති පෙරමුණ කරන ඉල්ලීමෙන්ම ඔවුන්ගේ ආර්ථිකය පිළිබඳ අවබෝධය හා වැඩපිළිවෙළ පැහැදිලි වන්නේයැයිද මුණසිංහ මහතා කීවේය.

රජයේ සේවකයන්ට වැටුප් වැඩිකිරීමට නම් දැනට සියයට 18 මට්ටමේ තිබෙන වැට් බද්ද සියයට 22 දක්වාවත් ඉහළ නැංවිය යුතු බවද මුණ සිංහ මහතා කීවේය.