(අංජුල මහික වීරරත්න)

අක්ෂිකාච සැපයීම සඳහා වූ ප්‍රසම්පාදනයට කැබිනට් අනුමැතිය ලැබී ඇත.

ඇසේ සුද ඉවත් කිරීම හෝ මයෝපියාව සම්බන්ධ ප්‍රතිකාර වලදී ඇසට බද්ධ කිරීම සඳහා භාවිත කරනු ලබන අන්තඃ අක්ෂි කාච වර්ග 5 ක් සපයා ගැනීම සඳහා ජාත්‍යන්තර තරඟකාරී ක්‍රමවේදය යටතේ ලංසු කැඳවා තිබේ. ඒ සඳහා ලංසුකරුවන් 5 දෙනකු විසින් ලංසු ඉදිරිපත් කර ඇත. ඒ අනුව, ඉහළ මට්ටමේ ස්ථාවර ප්‍රසම්පාදන කමිටුවේ නිර්දේශය මත පදනම්ව, අදාළ අන්තඃ අක්ෂි කාච වර්ග 5 පහත සඳහන් සැපයුම්කරුවන් වෙතින් ප්‍රසම්පාදනය කර ගැනීම පිණිස සෞඛ්‍ය සහ ජනමාධ්‍ය අමාත්‍යවරයා  ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.

*එස් ආර් අංක 13005029 සහ 13005032 දරන ප්‍රසම්පාදනයන්ට අදාළ  අවම ලංසුකරු වන ශ්‍රී ලංකාවේ M/s Elshaddai Enterprises (Pvt) Ltd. වෙතින් අක්ෂි කාච සපයා ගැනීම.

* එස් ආර් අංක 13005026, 13005031 හා 13005030 දරන ප්‍රසම්පාදනයන්ට  අවම ලංසුකරු වන ශ්‍රී ලංකාවේ M/s Jayasuriyn Associates වෙතින් අන්තඃ අක්ෂි කාච සපයා ගැනීම.