IMG-LOGO

2023 දෙසැම්බර් මස 08 වන සිකුරාදා


වැලිකඩ ජරමර

 

මඩකළපුවේ සිට බන්ධනාගාරයට රැගෙන ආ බාලවයස්කාර එල්.ටී.ටී.ඊ. සාමාජිකාවක් සිහිවිකල් තත්ත්වයට පත්වූවාය. බන්ධනාගාර වැසිකිළිය තුළදී අනෙකුත් රැඳවියන් පහරදීම හේතුවෙන් ඇය එම තත්ත්වයට පත්වූ බව බන්ධනාගාරයේ වෛද්‍යවරුන් විසින් නිලධාරිනියන්ට දන්වා තිබූ බව මම දැනගත්තෙමි.


ඇතැම් රැඳවියන්ගේ මව - පියා ඇතුළු පවුලේ සාමාජිකයන් ඔවුන් බැලීමට නොපැමිණීම හේතුවෙන් එම රැඳවියෝ නිසි කලට ආහාර නොගෙන හා නිදිමැරීමෙන් ලෙඩ රෝගවලට ගොදුරු වී සිටියහ. බොහෝ එල්.ටී.ටී.ඊ. කාන්තා රැඳවියෝ මත්පැන් දුම්වැටි හා මත්ද්‍රව්‍යවලට ගොදුරුව සිටියහ. ඒවා බන්ධනාගාරය තුළ බෙදාහැරියේ ද මුදලාලිලා මෙන් කටයුතු කළ කාන්තා රැඳවියන්මය. මෙම කාන්තා රැඳවියෝ ටික කලක් බන්ධනාගාරගතව සිට ඇප ලබා පිටව යති. එහෙත් ටික දිනකින් ඔවූහු යළිත් බන්ධනාගාර ගත වෙති. ඔවුන් මෙසේ ටික දිනකින් බන්ධනාගාරයට එන්නේ ඔවුන්ගේ ව්‍යාපාරය දිගටම කරගෙන යාමට බව මම අවබෝධ කර ගත්තෙමි. එම කාන්තාවන්ට දුරකථන පහසුකම් ද තිබිණි.


දිනක් සවස 4.30ට පමණ මම අතපය සෝදා ගෙන සිර මැදිරිය වෙත එමින් සිටියෙමි. ඒ මොහොතේදී මාගේ හිසට ඉහළින් පියාසර කළ පාර්සලයක් මා ඉදිරිපිට බිම වැටිණ. ඒ කුමක් දැයි කියා නොබලාම මම එම පාර්සලය පසුකර ගියෙමි. ඒ යුද සමයේදී මා ලබා තිබූ අත්දැකීම් නිසාය. කෙසේ වෙතත් පසුව මට දැනගැනීමට ලැබුණේ එය පාන් රාත්තලක් බවය. 


හිසට ඉහළින් විසි වූ පාර්සලය දෙස නොබලා ගමන් කළ මම පසුව හැරී බැලුවෙමි. එවිට මා දුටුවේ බන්ධනාගාරගතව සිටින සිංහල කාන්තාවක එම පාර්සලය රැගෙන දුවන අයුරුය. කෙසේ වෙතත් තවත් කලකදී මට දැන ගැනීමට ලැබුණේ එම පාන් රාත්තල තුළ කුඩු පැකට් තිබූ බවය. මෙවැනි සිදුවීම් නිසා බන්ධනාගාරයට ලැබෙන සෑම පාර්සලයක්ම තියුණු පරීක්ෂාවට ලක් විය.


බන්ධනාගාරගතව සිටි එම කාන්තාවෝ පිටත සිටින කෝටිපති කුඩු ජාවාරම්කරුවන්ගේ නියෝජිතයෝ ලෙස කටයුතු කළහ. බන්ධනාගාරය තුළට කෙසේ හෝ ගෙන්වා ගන්නා මෙම කුඩු තොග වැසිකිළිවල හා වෙනත් රහසිගත ස්ථානවල සඟවා තබන ඔවූහු පසුව ඒවා වැඩි මිලට විකුණූහ.


සෑම දිනකම සවස හයට රැඳවියන් ගණන් කර තහවුරු කර ගැනීමෙන් පසුව සිර මැදිරි තුළට දමා වසා දමති. එසේ වසා දැමීමෙන් පසුව රැඳවියන්ගේ අණසක පැතිරීම සිදුවේ. ඉන්පසුව එය ඔවුන්ගේ රාජධානිය බවට පත්වේ. ජංගම දුරකථන චාර්ජ් කිරීම, දුරකථන ඇමතුම් ගැනීම, කුඩු පාවිච්චි කිරීම, මත්පැන් පාවිච්චි කිරීම, දුම්වැටි දල්වා ගැනීම ආදිය ආරම්භ වන්නේ ඉන් පසුවය. රණ්ඩු දබර ඇති කර ගැනීම ද සිදුවේ. ඇතැම් ආරවුල් ඉතා සුළුවෙන් ඇරඹී මහා පරිමාණ කෝලහාල බවට පත්වේ. ඇතැම් අවස්ථාවල නිලධාරිනියෝ පැමිණෙති. එහිදී සියල්ලෝම පූස් පැටවුන් මෙන් නිහඬ වෙති.


කාන්තාවන් රඳවා සිටින සිර මැදිරි විවෘත කිරීමට බලය තිබෙන්නේ උසස් නිලධාරිනියන්ට පමණි. වෙනත් කිසිවකුට එම සිර මැදිරි විවෘත කිරීමට බලය නොමැති වුවද මුදල් යහමින් ඇති කාන්තාවන්ට ඔවුන්ට අවශ්‍ය වෙලාවට එම සිර මැදිරි විවෘත කර ඔවුන්ට අවශ්‍ය පරිදි කටයුතු කිරීමට ඇතැම් නිලධාරීන් සහයෝගය දක්වන ආකාරය මම දැක්කෙමි.


බන්ධනාගාරය පරීක්ෂා කිරීමට නිලධාරිනියන් පැමිණෙන විට “සුනාමිය එනවා” යනුවෙන් ඒ සංඥාව ලබාදීමට කවුරුත් කටයුතු කළහ. එවැනි අවස්ථාවලදී වැරැදි කරන අය මෙන්ම නොකරන අය ද බියෙන් පසුවෙති. එහිදී එකම පවුලේ දරුවන් මෙන් අපි කටයුතු කරමු.


ඉතිරිය ලබන සතියට.

පරිවර්තනය : එස්. තිලෙයිනාදන්

 



අදහස් (0)

වැලිකඩ ජරමර

ඔබේ අදහස් එවන්න

ජයාරූප

කෙහෙල්බද්දර තරුණයා ඝාතනයට පහක් සැකපිට
2022 අගෝස්තු මස 28 7010 1

ගම්පහ උඩුගම්පොල, කෙහෙල්බද්දර දී පුද්ගලයකු ඝාතනය කිරීමේ සිද්ධිය සම්බන්ධයෙන් ගිනි අවියක් සමග 36 හැවිරිදි කාන්තාවක් ඇතුලු පස් දෙනකු අත් අඩංගුවට ගත් බව ගම


අටුළුගම අතුරුදන් දැරියගේ සිරුර හමුවෙයි
2022 මැයි මස 28 26047 12

බණ්ඩාරගම අටුළුගම ප්‍රදේශයේ දී ඊයේ (27) පෙරවරුවේ අතුරුදහන්ව වූ දැරියගේ මළසිරුරු මීට සුළු මොහොතකට පෙර අටුළුගම ප්‍රදේශයේ වෙල්යායක් ආසන්නයේ තිබී සොයා ගත්



ඉතින්... කොහොමද?
2020 මාර්තු මස 14 1349 1




මේවාටත් කැමතිවනු ඇති

ශ්‍රී ලංකාවේ සනීපාරක්ෂාවේ ගැටලුවලට නිමාවක් ගෙන එන හමිංබර්ඩ් කථාව 2023 නොවැම්බර් මස 19 986 0
ශ්‍රී ලංකාවේ සනීපාරක්ෂාවේ ගැටලුවලට නිමාවක් ගෙන එන හමිංබර්ඩ් කථාව

අද එක්සත් ජාතීන්ගේ ලෝක වැසිකළි දිනයයි. වසර 2030 වන විට ලොව පුරා සැමට පූර්ණ සනීපාරක්ෂව හිමි කර දීම ඉලක්ක කරගෙන “වේගයෙන් වෙනස කරා”

රේන්කෝ ස්වර්ණමය ප‍්‍රමිතිය හා නව්‍යකරණයේ ජවය ISO 9001:2015 සහතිකයෙන් පිදුම් ලබයි 2023 නොවැම්බර් මස 01 743 2
රේන්කෝ ස්වර්ණමය ප‍්‍රමිතිය හා නව්‍යකරණයේ ජවය ISO 9001:2015 සහතිකයෙන් පිදුම් ලබයි

නිෂ්පාදනය, අලෙවිකරණය හා බෙදාහැරීම යන අංශ ඔස්සේ නව්‍යකරණයෙන් පිරිපුන් උසස් තත්ත්වයේ කුඩ සහ මදුරු දැල් ඇතුළු නිෂ්පාදන පෙළක් හඳුන්වාදෙමින් ශ්‍රී ලාංකී

උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව 2023 සැප්තැම්බර් මස 06 4723 0
උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව

දැඩි ආශාව හා කැපවීම මුණගැසෙන ක‍්‍රිකට් වැනි ක්ෂේත‍්‍රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක

Our Group Site