රුපියල් ලක්ෂ  හැත්තෑවක් වටිනා  රුපියල් දෙදහසේ නෝට්ටු 481 ක් මුද්‍රණය කැර ළග තබා ගත්තැයි කියන සිද්ධියේ  ගුරුවරයකු ඇතුළු සැකකරුවන් තිදෙනකු ලබන 21 දක්වා රිමාන්ඩ් බන්ධනාගාර ගත කරන්නැයි  කඩුවෙල වැඩබලන මහේස්ත්‍රාත් කමල් විජේසිරි මහතා නියෝග කළේය.

ගුරුවරයකු වන ආටිගල පදිංචි  දිමුතු නුවන් කුමාර,මහරගම අනුර සේනාරත්න,අතුරුගිරිය අලස් ප්‍රේම් ප්‍රදීප් පළිහමුණි මෙසේ රිමාන්ඩ් කෙරිණි.

දිමුතු නුවන් කුමාර වෙනත් නඩුවක් සදහා  ගල්කිස්ස මහාධිකරණයට  ඉදිරිපත් කිරීමට නියෝගයක් ලබා දෙන්නැයිද මෙම නඩුවේ පරීක්ෂණ කටයුතු තවමත් සිදු වන බවද රහස් පොලීසිය අධිකරණය හමුවේ කියා සිටියේය.