හිරු මාධ්‍ය ජාලය සංවිධානය කරන හිරු පාපැදි සවාරිය අද (29) පෙරවරු 8.30 ට කොළඹ ගුවන් හමුදා මූලස්ථාන ක‍්‍රීඩාංගණය ඉදිරිපිටින් ඇරැුඹෙයි. අදියර දෙකකින් පැවැත්වෙන මෙම පාපැදි තරගයේ සමස්ත දුර ප‍්‍රමාණය කිලෝමීටර 277 කි. තරගකරුවන් 150 කට අධික පිරිසක් සහභාගිවන මෙම තරගයට සී. පී. මීමනගේ, ජීවන් ජයසිංහ, ඬේන් නුගේරා, සුධීර නිලංග, ජනක හේමන්ත කුමාර වැනි දිවයිනේ නමගිය පාපැදි ශූරයන් ද එක්ව සිටිති. යුද හමුදාව, ගුවන් හමුදාව, නාවික හමුදාව, පොලිසිය, වින්ග් වීල්, දෙහිවල - ගල්කිස්ස සහ මොරටුව සාම ක‍්‍රීඩා සමාජය තරගයට සහභාගිවන ප‍්‍රධානතම කණ්ඩායම් වේ. ගාලූ මුවදොර පිටිය අසළින් ඇරැඹෙන තරගයේදී තරගකරුවෝ මරදාන, පෑලියගොඩ, ගම්පහ, බෝගමුව, මාවනැල්ල, කඩුගන්නාව නගර පසු කරමින් මහනුවර නගරයෙන් පළමු අදියර අවසන් කරති. මහනුවර ඔරලෝසු කණුව ඉදිරිපිටින් හෙට (30) ආරම්භවන දෙවැනි සහ අවසන් අදියර නිම වන්නේ මාවතගමිනි. එහිදී තරගකරුවෝ කටුගස්තොට, මාතලේ, ගලේවෙල, බෙලිගම, කුරුණෑගල නගර පසු කරමින් මාවතගමට පැමිණෙති. පාපැදි අතුරු කමිටුවේ අධීක්‍ෂණයෙන් පැවැත්වෙන මෙම පාපැදි සවාරියේ ශූරයාට රුපියල් ලක්‍ෂ දෙකක මුදල් ත්‍යාගයක් පිරිනැමේ. දෙවැනි ස්ථානයට රුපියල් 100,000 ක මුදල් ත්‍යාගයක් ද, තෙවැනි ස්ථානයට රුපියල් 75,000 ක්ද ලෙස 15 වැනි ස්ථානය දක්වා මුදල් ත්‍යාග තරගකරුවන්ට පිරිනැමේ.