(පුෂ්පකුමාර ජයරත්න)

හම්බන්තොට වරාය චීනයට පැවරීම ඇතුළු කරුණු කීපයකට විරෝධය පළ කිරීම සඳහා වයඹ පළාත් සභාවේ ආණ්ඩු පක්ෂ නියෝජනය කරන ප්‍රධාන අමාත්‍යවරයා සහ අමාත්‍යවරුන් හැර ආණ්ඩු පක්ෂයේ අනෙක් සියළුම මන්ත්‍රීවරු අත්වල කළුපටි බැඳ පෝස්ටර් ප්‍රදර්ශනය කළහ.

ඊට විපක්ෂයේ එජාප මන්ත්‍රීවරුන් විරෝධය දැක්වීමත් සමග සභා රැස්වීම දැඩි උණූසුම් මුහුණුවරක් ගත්තේය.

ආණ්ඩු පක්ෂය නියෝජනය කරන ඩී හේරත් මහතා පෞද්ගලික කරුණු දැක්වීම යටතේ අදහස් දක්වමින් හම්බන්තොට වරාය ගිවිසුමට විරෝධය දැක්වීමත් සමග විපක්ෂ නායක ශමල් සෙනරත් මහතා ඇතුළු එජාප මන්ත්‍රීවරුන්ගේ හැසිරීම නිසා මෙම උණුසුම් තත්ත්වය ඇති විය.