(උපාලි ආනන්ද)

කුරුණෑගල ශික්ෂණ රෝහලේ ශල්‍යාගාරයක් තුලදී හෙද නිලධාරිනියකට කතුරකින් පහරදී තුවාල සිදු කිරීමේ සිද්ධියක් සම්බන්ධයෙන් අධිකරණය හමුවේ චෝදනා ලබා සිටි ශල්‍ය විශේෂඥ වෛද්‍යවරයෙකු එකී චෝදනාවට වරදකරු බවට තීන්දු කළ කුරුණෑගල ප‍්‍රධාන මහේස්ත‍්‍රාත් සහ අතිරේක දිසා විනිසුරු බන්ධුල ගුණරත්න මහතා ඔහුට තරයේ අවවාද කර මුදා හැරියේය. 

මෙසේ වරදකරු වූයේ කුරුණෑගල ශික්ෂණ රෝහලේ මෙම සිද්ධිය වන අවස්ථාවේ හිටපු ශල්‍ය විශේෂඥ වෛද්‍යවරයා මෙන්ම ගම්පහ මහ රෝහලේ වත්මන් ශල්‍ය විශේෂඥ වෛද්‍යවරයා ලෙස සේවය කරන අශෝක විජේමාන්න මහතායි.

විත්තිකාර ශල්‍ය විශේෂඥ වෛද්‍යවරයා වරදකරු කරමින් ප‍්‍රධාන මහේස්ත‍්‍රාත් බන්දුල ගුණරත්න මහතා කියා සිටියේ ශළ්‍ය විශේෂඥ වෛද්‍යවරු කේන්තියෙන් හා කෝපයෙන් රාජකාරි නොකල යුතුයි. ශග්‍ය විශේෂඥ වෛද්‍යවරුන් මීට වඩා හික්මීමෙන් වගකීමෙන් හා සංයමයෙන් සිය රාජකාරි කළ යුතු බවද ප‍්‍රධාන මහේස්ත‍්‍රාත් බන්දුල ගුණරත්න මහකා සඳහන් කළේය.

තීන්දුව ප‍්‍රකාශයට පත් කිරීමෙන් අනතුරුව පැමිණිලිකාර හෙද නිලධාරිනියට මහේස්ත‍්‍රාත්වරයා දැනුම් දුන්නේ අවශ්‍ය නම් විත්කිකාර ශල්‍ය විශේෂඥ වෛද්‍යවරයාගෙන් වන්දි ඉල්ලා දිසා අධිකරණය හමුවේ නඩුවක් පැවරීමට හැකියාව පවතින බවයි.