මොරටු විශ්ව විද්‍යාලය අසල හෙරොයින් විකිණූ බව කියන එහි හිටපු සේවකයෙක් කුඩු පැකට් 3600ක් සමග අත්අඩංගුවට ගත් බව මොරටුමුල්ල පොලීසියෙන් lකියයි. 

කුඩු ගැනීමට ආ බව කියන හයිබ්‍රිඩ් මෝටර් රථ හිමිකරුවෙක් කොට්ටාව ගල්කිස්ස 255 බස් රථයක කොන්දොස්තරවරයෙක්ද  රියදුරෙක්ද බස්රථය සහ මෝටර් රියද අත්අඩංගුවට ගනු ලැබූහ.

ඔහු මොරටුව සහ ජයවර්ධනපුර විශ්ව විද්‍යාලයන්හී හිටපු සේවකයකු බවද පොලිසිය කියයි.

ජාවාරමේ නියැලුණ බව කියන මහ මොලකරැ කටුබැද්ද සිරිබර මැණිකේපුර පදිංචිකරුවෙක් බව සඳහන් කරන පොලීසිය රියදුරු,කොන්දොස්තර සහ හයිබ්‍රිඩ් රථයේ හිමිකරු බණ්ඩාරගම,සුවාරිපොළ, කැස්බෑව යන ප්‍රදේශයන්හී පදිංචිකරුවන් බව පවසයි 

ඔහුට එරෙහිව ගල්කිස්ස මහේස්ත්‍රාත් අධිකරණයේ විභාග වන නඩුද ඇති බව පවසන පොලීසිය මොහු වරින් වර බන්ධනාගාරගතවී ඇති බවද පවසයි

ඔහු ජංගම දුරකතන ඇනවුම් වලට අනුව ජංගම සේවයක්ද පවත්වාගෙන ගොස් ඇති බව කියති.