(ලක්මි කුඩලිගම)

බුලත්සිංහල බස් නැවතුම්පොළේ බසයක් එනතුරු සිටි  සිසුවකුට පොලිසියෙන් බව පවසා පැහැගෙන ගොස් පාළු ප්‍රදේශයකදී ඔහු පැළඳ සිටි රන්මාලය මංකොල්කා පළාගොස් ඇතැයි බුලත්සිංහල පොලිසිය කියයි. 

සිසුවා අමතර පන්ති නිමවා නිවෙස කරා යාමට බසයක් එනතුරු රැඳි සිටියදී යතුරු පැදියකින් ආ දෙදෙනකු තමන් වලානෙන් බව පවසා ඔහු යතුරු පැදියේ නංවාගෙන  දොඩම්ගොඩ පාළු ප්‍රදේශයකට රැගෙන ගොස් ඇඳ සිටි කමිසය ගලවා  රුපියල් 1,50,000 පමණ වටිනා රන් මාලය මෙසේ කොල්ල කා පලා ගොස් ඇත.

එම සිසුවා බුලත්සිංහල ගෝවින්නේ පදිංචිකරුවෙකි. බුලත්සිංහල පොලිසිය වැඩිදුර පරික්ෂණ සිදුකරයි.