පදික වේදිකාවේ නිදා සිටි හතර දෙනකු යට කරගෙන පළා ගිය බොලිවුඩ් නළු සල්මන් ඛාන්ට මුම්බායි උසාවියකින් පස් අවුරුදු සිර දඬුවමක් අද නියම කළේය.

මිනිසුන් සිව් දෙනකු  2002 දී සිය කාරයේ හැපීමෙන් පසු පළා ගිය බොලිවුඩ් නළු සල්මන් ඛාන් මුම්බායි උසාවියකින් අද (06) වැරදිකරු විය.

අනතුර සිදුවෙද්දී තම රියදුරා කාරය පැදවූ බවට සල්මන් ඛාන් කී කතාව උසාවිය ඉවත දැමීය.

ඔහුගේ ආරක්ෂකයා පොලිස් කොස්තාපල් සාක්කි දෙමින් පැවසුවේ බීමතින් සිටි නළුවා පැයට කිලෝමීටර 90ක වේගයෙන් රිය පදවා ඇති බවයි.

රම් හා කොක්ටේල් බී රිය පැදවූ ඛාන්ගේ රියට පදිකවේදිකාවේ නිසා සිටි මිනිසුන් පිරිසක් යටවූ බව  නඩුවේ දී කියැවිණි.

එම අනතුරෙන් පදිකවේදිකාවේ නිදා සිටි අයකු මරුමුවට පත් වූ බව නඩුව විභාග කළ විනිසුරු දේශ් පන්දේ කීවේය.

සල්මන් ඛාන් රිය පැදවූ බව ද විනිසුරු අවධාරණය කළේය.