
(අංජුල මහික වීරරත්න)
ශ්රී ලංකාවේ පාවෙන සූර්ය බල ශක්තිය සංවර්ධනය කිරීම සඳහා උපදේශන සේවා සැපයීම වෙනුවෙන් පිළිගත් සමාගම් වලින් යෝජනා කැඳවීමට කැබිනට් අනුමැතිය ලැබී ඇත.
වසර 2030 වන විට විදුලිබල උත්පාදනයෙන් 70%ක් පුනර්ජනනීය බලශක්ති මූලාශ්රයන්ගෙන් සපුරා ගැනීම සහ වසර 2050 වන විට විදුලි බල උත්පාදනය කිරීමේදී කාබන් උදාසීන භාවය ළඟා කර ගැනීම ඉලක්ක කර ගනිමින් රජය විසින් පුනර්ජනනීය බල ශක්තිය සංවර්ධනය කිරීම ජාතික ප්රමුඛතාවක් වශයෙන් හඳුනාගනු ලැබ ඇත.
ඒ අනුව, 2026 - 2030 පුනර්ජනනීය බල ශක්ති සම්පත් සංවර්ධන සැලැස්ම මඟින් මධ්යස්ථ 10%ක මතුපිට උපයෝජනය මත පදනම් වු මෙගාවොට් 3,000ක ඇස්තමේන්තුගත පාවෙන සූර්ය බල ශක්ති ධාරිතාවක් සහිත විභව ජලාශ ස්ථාන හඳුනාගනු ලැබ තිබේ.
ඒ අනුව, සූර්ය බල ශක්ති ව්යාපෘති සංවර්ධනයේ නව ක්රම වේදයක් ලෙස පාවෙන සූර්ය බල ශක්තිය සම්බන්ධයෙන් ඇති වැදගත්කම සැලකිල්ලට ගනිමින්, පූර්ව ශක්යතා අධ්යයන, ශක්යතා අධ්යයන සහ පාරිසරික බලපෑම් තක්සේරු සිදු කිරීම සඳහා උපදේශන සේවා සැපයීම වෙනුවෙන් පිළිගත් සමාගම් වලින් යෝජනා කැඳවමින් ප්රසම්පාදන ක්රියාවලිය ආරම්භ කිරීම පිණිස බලශක්ති අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී.
2025 දෙසැම්බර් මස 18
62
0
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
135
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
934
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
සූර්ය බලයෙන් වැඩිපුර වැඩ ගන්න යයි
de silva Wednesday, 13 August 2025 07:19 AM
මොන සුර්ය බල වියාපෘතිය හැදුවත් , සෙනසුරද ඉරිදා එක off කරන්න කියල කියාවි , ඔය පුනර්ජනනී ක්රම වලට ඉංජිනේරුවෝ කැමති නැහැ කොමිස් නැතිවෙන නිසා , ඔය මාෆියා ඉංජිනේරුවෝ දැනට පාර්ලිමේන්තුවේ ඉන්න උගතුන්ගේ විශ්ව විද්යාලේ යන කාලේ සිට ඉන්න හොඳ යාලුවෝ ඔවුන්ට ආණ්ඩුවට ලින්ක් තිබෙනවා ,