‘සමහරු හැම ආණ්ඩුවටම බැන බැන ඉන්නවා‘

ආණ්ඩු කරන විට විවේචනම කරන පිරිසක් සිටින බවත් ප්‍රධාන පක්ෂ දෙකම එකතු වී ගෙනයන වැඩපිළිවෙළ සාර්ථකව ඉටු කළහොත් විපක්ෂ විවේචකයන්ද ඉදිරියේදී රජයට එක්වනු ඇතැයි තිබ්බටුවාවේ සුමංගල මල්වතු මහ නාහිමියෝ පැවසුහ.

ශ්‍රි ලංකා නිදහස් පක්සයේ මහලේකම් කෘෂිකර්ම ඇමැති දුමින්ද දිසානායක මහතා ඉරිදා (03) මල්වතු මහා විහාරයේදී මහනාහිමියන් බැහැ දැක ආශිර්වාද ලබාගත් අවස්ථාවේදී උන් වහන්සේ මේ බව ප්‍රකාශ කළහ.

බඩු මිල වැඩි වී ජනතාවට ජීවත්වීමේ අපහසුතාවයක් ඇතැයි ද ඒ සම්බන්ධව රජය ක්‍රියා මාර්ගයක් ගත යුතුව ඇතැයි අස්ගිරි පාර්ශවයේ අනුනායක බදුලු මුතියංගන රජමහා විහාරාධිපති මහෝපාධ්‍ය වරකාගොඩ ඥානරතන හිමියෝ ඔහුට කීහ.

පුළුල් එකඟතාවයකින් යුතුව ජනපති හා අගමැති කටයුතු කිරිම නිසා ජාතික ආණ්ඩුව සාර්ථක ඉදිරි ගමනක් යන බවත් ඉදිරියේදි ජනතාවට දැනෙන විශාල වැඩ කොටසක් කිරිමට හැකි වනු ඇති බවත් ඇමැති කීවේය.

අදහස් (0)

‘සමහරු හැම ආණ්ඩුවටම බැන බැන ඉන්නවා‘

නන්දලාල් - ප්‍රංශය Tuesday, 05 January 2016 07:15 PM

තිබ්බටුවාවේ සුමංගල මල්වතු මහ නාහිමියෝ කියන දේ නිවැරදි බව දැන් රටට තේරුම්යමින් තිබෙනවා. දරුවෙක් ඉපදුන හැටියේම ඇවිදින්න බැරි බව කවුරුත් දන්නා කාරණයක් වුවත් හිටපු රජයේ සමහර අය විකාර කතා කියමින් රට අවුල් කිරීමට, අරාජිත කිරීමට නොගන්නා උත්සාහයක් නැහැ. ජනපතිටත්, අගමැතිටත් ඇලඩින්ගේ වගේ පුදුම පහනක් තිබුණා නම් ශ්‍රී ලංකාව මෙලහටත් සංවර්ධන ලෝකයේ මුල්තැනට ගෙනඒමට පුළුවන්කම තිබුණා. (නි)

: 0 0

නන්දලාල් - ප්‍රංශය Tuesday, 05 January 2016 07:16 PM

"හොඳට නරකට දෙකට කටමය" කියලා අපේ වැඩිහිටියෝ කිවුවේ කට කහනවටද? සමහරු දන්නේ අනිත් අය තලාපෙළා පහත් විවේචනය කිරීම පමණයි. ඒ හැරෙන්න ඒ අය දන්නා දෙයක් නැහැ (නි)

: 0 0

ක්‍රිස්ටි පීරිස් Monday, 04 January 2016 11:22 AM

ඔබ වහන්ස කියන්න බලන්න මේ අාණ්ඩුව කරපු ජනතාවාදි වැඩක්.රණ විරැවන් හිරගෙට දක්වා;ත්‍රස්වාදින් නිදහස් කරන එකද? බදුර්දින්ට අල්ලස් වශයෙන් විල්පත්තුව ලියා දිමද? පාසල් ළමුන්ට රෙදි වෙනුවට චෙක්පත් ලබා දිමද? රාජ්‍ය සේවකයන්ගෙ විශ්‍රාම වැටුප කප්පාදු කිරිමද? (බ)

: 0 0