(ෂේන් සෙනෙවිරත්න සහ ඉන්දිකා රාමනායක)

අධ්‍යයන පොදු සහතික පත්‍ර සාමාන්‍ය පෙළ විභාගය ඉහළින් සමත්වූ සිසුවකුගේ සිරුරට ගිනි තිබු බව කියන මැරයා අත්අඩංගුවට ගත් බව පොලිසිය කියයි. 

ගමක් භීතියටත් පත් කරවමින් කප්පම් ගනිමින් , මංකොල්ල කමින් , කාලයක් තිස්සේ අම්පිටිය මී කණුව ප්‍රදේශයේම භීෂණය පතුරුවා සිටි පැතුම් නොහොත් ඉදිච්චගේ පුතා යන නමින් පෙනී සිටි අයකු මෙසේ අත්අඩංගුවට ගෙන ඇත.

තම පියා සමඟ මී කණුව ප්‍රදේශයේ මාර්ගයක ගමන් කරමින් සිටියදී එම සිසුවාට පෙට්රල් හෝ භූමිතෙල් වැනි ගිනිගන්නා සුළු ද්‍රව්‍යක් ශරීරයට විසිකොට ගිනි තැබීමේ සහසික ක්‍රියාවක් සම්බන්ධයෙන් මෙම අපරාධකරු සොයා දින දෙකක් තිස්සේ පොලිස් කණ්ඩායම් තුනක් සෝදිසි මෙහෙයුම් ආරම්භ කළේය. 

අත්අඩංගුවට ගන්නා විට ඔහු සන්තකයේ විදේශ රටක නිෂ්පාදිත බෝම්බයක් , රම්බෝ වර්ගය පිහියක් , කඩු කිහිපයක් ඇතුළු ආවුද තිබු බව පොලිසිය කියයි .

අම්පිටිය පිච්ච මල්වත්ත ප්‍රදේශයේ දඹවල මාර්ගයේ කැලෑබද දුර්ගයක සැඟව සිට පොලිසියට පහරදීමට උත්සාහ කළ අවස්ථාවේදී සැකකරු අත්අඩංගුවට ගෙන තිබේ .

සිද්ධියෙන් පොලිස් නිලධාරීන් දෙදෙනකු තුවාල ලබා මහනුවර ජාතික රෝහලට ඇතුළත් කළ බව පොලීසිය කියයි .

සැකකරුගෙන් මේ වන විට පොලිසිය ප්‍රශ්න කරගෙන යන අතර ඔහු විසින් සිදු කළ අපරාධ මංකොල්ලකෑම් පහරදීම් රාශියක් සම්බන්ධයෙන් මේ වන විට කරුණු අනාවරණය වෙමින් පවතින බව විමර්ශන නිලධාරීහු පවසති .