පාර්ලිමේන්තු මන්ත්‍රීන් සඳහා බදුරහිත සැපවාහන මෙරටට ආනයනය කිරීමට  වළකාලන අතුරු නියෝගයක් ඉල්ලා නීතීඥ නාගානන්ද කොඩිතුවක්කු මහතා ගොනු කළ පෙත්සම පූර්ණ විනිසුරු මඩුල්ලක් හමුවේ සලකා බැලීමට හේතු ලිඛිතව ඉදිරිපත් කරන ලෙස ශ්‍රේෂ්ඨාධීකරණය පෙත්සම්කාර නීතීඥවරයාට අද (25) දැනුම් දුන්නේය.

මෙම පෙත්සම අගවිනිසුරු කේ ශ්‍රී පවන් ,බුවනෙක අළුවිහාරේ සහ ප්‍රියසාත් ඩෙප් යන මහත්වරුන් ගෙන් සමන්විත ශ්‍රේෂ්ඨාධිකරණ විනිසුරු මඩුල්ලක් හමුවේ සලකා බැලිණි.

මුදල් ඇමැති, නීතිපති ඇතුළු පිරිසක් මෙහි වගඋත්තරකරුවෝ වෙති.