(අංජුල මහික වීරරත්න)

තමන් තවදුරටත් එක්සත් ජනතා නිදහස් සන්ධානයේ මහ ලේකම්වරයා ලෙස කටයුතු කරන බව කෘෂිකර්ම වනජීවී සහ වන සම්පත් අමාත්‍ය මහින්ද අමරවීර මහතා මැතිවරණ කොමිසමේ සභාපතිවරයාට ලිපියක් යවමින් සඳහන් කරයි.

නව මහලේකම්වරයෙකු පත් කළ බවට කිසිදු දැනුම් දීමක් නෙකළ බව දන්වමින් එක්සත් ජනතා නිදහස් සන්ධානයට අයත් පක්ෂ නායකයින් ලිපියක් නිකුත් කර ඇති බව කියන අමරවීර මහතා නව මහලේකම්වරයකු පත් කරන බව එම පක්ෂය දැන්වුවහොත් එය පිළිනොගන්නා ලෙසත් මැතිවරණ කොමිසමෙන් ඉල්ලා සිටී.

මහින්ද අමරවීර මහතා මැතිවරණ කොමිසමට යැවූ ලිපියේ මෙසේද සඳහන් වේ.

එක්සත් ජනතා නිදහස් සන්ධානයේ ප්‍රධාන ලේකම් තනතුරෙන් මා ඉවත් කොට තිලංග සුමතිපාල නැමැත්තෙක් පත්කර ඇති බවට ප්‍රවෘත්තියක් මාධ්‍ය මගින් මා වෙත දැනගැනීමට ලැබී ඇත.මේ පිළිබඳව එක්සත් ජනතා නිදහස් සන්ධානයේ පාර්ශව පක්ෂයන් ගෙන් කරන ලද විමසීමකදී එකී පක්ෂය එවැනි වෙනස් කිරීමක් පිළිබඳව දැනුවත් වීමක් නොමැති බව මා වෙත දැනුම් දී ඇත.