වැඩිහිටියන්ට පමණක් සීමාවූ චිත්‍රපට නිළියක වූ සනී ලියෝන් මේ වන විට බොලිවුඩය අතික්‍රමණය කරමින් සාර්ථක බොලිවුඩ් නිළියක බවට පත්ව ඇති බව පැවසිය හැකියි. මේ අතර ලියෝන් පසුගිය දිනෙක සහභාගී වූ සම්මුඛ සාකච්ඡාවකදී ඇය දායක වූ උපත් පාලන කොපු වෙළෙඳ දැන්වීමක් පිළිබඳ කතාබහක් ඇතිවී තිබෙනවා. එයට හේතුව බොලිවුඩයේ ප්‍රසිද්ධ තරුවක් මෙසේ උපත් පාලන කොපු සන්නාමයක් වෙනුවෙන් වෙළෙඳ දැන්වීමක පෙනී සිටි පළමු අවස්ථාව මෙය වීමයි.

මෙවැනි වෙළෙඳ දැන්වීමක පෙනී සිටියේ ඇයි දැයි ඇයගෙන් විමසන විටදී ඇය ප්‍රකාශ කර ඇත්තේ, ආරක්ෂිත ලිංගික ක්‍රම පිළිබඳ තමන් විශ්වාස කරන බවත්,එය තමන්ගේ ජීවිතේ කොටසක් බවත්ය. හැකි සෑමවිටම ආරක්ෂිත ලිංගික ක්‍රම භාවිත කරන ලෙස මෙහිදී  ඇය තම රසිකයන්ට පවසා තිබෙනවා. එයින් අනවශ්‍ය ගැබ් ගැනීම් හා ලිංගික රෝගවලින් වැළකී සිටිය හැකි බවද ඇය සඳහන් කොට තිබෙනවා. ඉන්දියානු ජනතාව තරම්ම ඇමෙරිකානු ජනතාවත් උපත් පාලන කොපු මිලදී ගැනීමේ ලැජ්ජාවකින් පසුවන බව එහිදී ඇය වැඩිදුරටත් ප්‍රකාශ කර තිබුණා.