සෞදි අරාබියේ නීතී විරෝධීව රැදී සිටින්නන් සදහා  පොදු සමා කාලයක් ලබා දී ඇති බැවින්  ඔබ හෝ ඔබේ ඥාතියකු  නීතී විරෝධිව හෝ  අවතැන්ව  සෞදි අරාබියේ රැදී සිටීන්නේ නම් කරුණාකර 2013 ජුනි 15 වැනිදාට  පෙර  පරන ගමන් බලපත්‍රයේ  වීසා පිටුවේ පිටපතක්  හෝ  ඉක්වා කාඩ් පතෙහි පිටපතක්  සහ ගමන් බලපත්‍ර ප්‍රමාණයේ ඡායාරූප දෙකක් සමඟ  රියාද් කිං අබ්දුල් අසීස්  පාරේ  දහියා මාවතේ  අල් වරූද් ප්‍රදේශයේ පිහිටි ශ්‍රී ලංකා   තානාපති කාර්යාලයයට  හෝ ජෙඩා නුවර  ප්‍රින්ස් සුල්තාන්  පාරේ  ජුබිලියා  මාවතේ  කලිදියා  ප්‍රදේශයේ  පිහිටි කොන්සියුලර්  කාර්යාලයයට  වාර්තාකරන ලෙස  රියාද් තානාපති කාර්යාලීය නිලධාරීන් දන්වා සිටී.

2013  ජුලී 03 වැනි දිනට පසුවත්   ඔබ හෝ  ඔබේ ඥාතියා නීතී විරෝධිව  සෞදි අරාබියේ රැදී සිටීන්නේ නම්  වසර දෙකක සිර දඩුවමකට හා  රියාල් ලක්ෂයකට (රුපියල්  තිස්තුන් ලක්ෂ  පනස්දහසක) දඩයකට  යටත් වීමට  සිදු වන බව රියාද්  තානාපති කාර්යාලයයේ නිලධාරීන්  ප්‍රකාශ කර සිටී.

 රියාද් තානාපති කාර්යාලයයේ  උසස් නිලධාරියකු  වැඩ්දුරටත් පැවසුවේ  පොදු සමා කාලය ජුලි 03 වැනි දිනට  කල් ඉකුත්වන බැවින්  සෞදි අරාබියේ  නව තානාපති  වඩිවෙල් ක්‍රිෂ්ණමුර්ත්‍රී  මහතා  ඇතුළු  තානාපති නිලධාරීන්  විසින්  ඊයේ රාත්‍රී සාකච්ඡා කොට මෙම තීරණය පිළිබව මාධ්‍යට නිකුත් කළ බවයි.