ශිෂ්‍යත්ව කඩයිම් ලකුණ 164 යි

රංජන් කස්තුරි

මෙවර ශිෂ්‍යත්ව විභාගයේ ප්‍රතිඵල අනුව මීගමුව හරිස්චන්ද්‍ර මහා විද්‍යාලයේ එඩ්ලිව් කේ දිනුක ක්‍රිෂාන් කුමාර් ලකුණු 198ක් ලබාගෙන දිවයිනේ ප්‍රථම ස්ථානය ලබාගෙන ඇති බව විභාග දෙපාර්තමේන්තුව කියයි.

ගනේමුල්ල වැලිපිල්ලෑව කනිෂ්ඨ විද්‍යාලයේ එම් ඒ එම් ඉඳුමිණි ජයරත්න සහ කෑගල්ල තුල්හිරිය කනිෂ්ඨ විදයාලයේ ටී එම් සංජන නයනජිත් තෙන්නකෝන් ලකුණු 197ක් ලබා ගෙන දෙවැනි ස්ථානයට පත්ව සිටිති.

තුන්වැනි ස්ථානය ලබා ගෙන ඇත්තේ කඩවත කිරිල්ලවල ප්‍රාථමික විද්‍යාලයයේ ඩී ඒ තරුල් සහස් ධර්මරත්න සිසුවාය. ඔහු ලකුණු 196ක් ලබාගෙන තිබේ.

ශිෂ්‍යත්ව විභාගයේ ලකුණු 195ක් ගනිමින් සිසුහු 12 දෙනෙක් හතර වැනි ස්ථානයට පත්ව සිටිති. පළමු, දෙවැනි, දෙවැනි සහ සිව්වැනි ස්ථාන ලබා ගත් සිසුන් 16 දෙනා අතුරින් සිසුහු හත් දෙනෙක් ගම්පහ දිස්ත්‍රික්කය නියෝජනය කරති.

ගම්පහ, කොළඹ, කළුතර, මහනුවර, මාතලේ, ගාල්ල, මාතර, කුරුණෑගල සහ කෑගල්ල දිස්ත්‍රික්කවල සිංහල මාධ්‍ය ශිෂ්‍යත්ව කඩයිම් ලකුණ 164කි. නුවරඑළිය, මන්නාරම, ත්‍රිකුණාමලය සහ මොණරාගල දිස්ත්‍රික්කවල සිංහල මාධ්‍ය කඩයිම් ලකුණ 158ක් වන අතර බදුල්ල, පොළොන්නරුව, අනුරාධපුරය, පුත්තලම, මුලතිව් යන දිස්ත්‍රික්කවල කඩයිම් ලකුණ 160කි. හම්බන්තොට කඩයිම් ලකුණ 162 වන අතර වව්නියාව කඩයිම් ලකුණ 161කි. අම්පාරේ 159කි.

අදහස් (10)

ශිෂ්‍යත්ව කඩයිම් ලකුණ 164 යි

yunalie Wednesday, 04 October 2017 05:53 PM

සුබ අනාගතයක් වේවා

: 19 838

Raveendra Wednesday, 04 October 2017 05:54 PM

දුවලා, පුතාලා සැමට සුබ අනාගතයක් ප්‍රර්ථනා කරන්නෙමු.

: 7 665

ධම්ම Thursday, 05 October 2017 12:45 AM

දූලා පුතාලට සුබ පතමි. කෝ මේ ලොකු ඉස්කෝලවල ළමයි එක්කෙනෙක්වත් නැහැනේ.ශිෂ්‍යත්ව විභාගයේ මුඛ්‍ය පරමාර්ථය කාලයත් සමග විකෘතිවෙලා වගේ.

: 2 43

sarath Thursday, 05 October 2017 01:32 AM

කඩයිම් ලකුණු 164 ? බොහොම වැඩියි .150 ක් කියන්නෙත් 75% ක්

: 8 128

Nandika Thursday, 05 October 2017 03:51 AM

ගොඩක් සතුටුයි දරුවනේ. මේ මවුබිමේ අනාගතය ඔයාලට බරයි. හදවතින්ම සුබ පතනවා.

: 1 41

උදලාගම, මහනුවර Thursday, 05 October 2017 04:35 AM

දුවලා පුතාලා හැම දෙනාටම සුබ පතනවා.

: 1 90

wickey Thursday, 05 October 2017 05:38 AM

රත්නපුර දිස්ත්‍රික්කයේ කීයද ?

: 1 26

sadath Thursday, 05 October 2017 09:56 AM

ලොකු ඉස්කෝලවල දරුවෝ මේක ලියන්නේ නැ...... මේක තියෙන්නේ ලොකු ඉස්කෝලවලට යන්න....

: 36 9

chaminda Thursday, 05 October 2017 03:46 PM

එදා ශිෂ්‍යත්වය සමත් අය අද කරන වෘත්තීන් හා සම සම හෝ ඊට වඩා වැඩි දක්ෂතා ශිෂ්‍යත්වය අසමත් අය දක්වා තිබෙනවා. වැඩිහිටි අප අපගේ ළමා කාලය ගැන හා එහිදී සිටි යහළුවන් අද සිටින තත්වය ගැන සිතුවොත් ඒ බව සනාථ වෙනවා, බොහොමයක් ජනප්‍රිය පාසල් වලට බඳවා ගන්නේ ශිෂ්‍යත්වය සමත් ළමුන් පමණයි. එය රටේ සිටින ශිෂ්‍යත්වය අසමත් දරුවන්ට කරන විශාල අසාධාරණයක්. පහේ ශිෂ්‍යත්වය ළමුන් වර්ග කිරීමට යොදා ගැනීම රටේ මානව සම්පත් සංවර්ධනයේ දී කරන වැරදි ක්‍රියාවක්.

: 3 163

kalpa Friday, 06 October 2017 04:01 AM

කොහොමවුනත් වැඩි ලකුණු ගන්න කෑගල්ල සහ මාතර දිස්ත්‍රික්ක වල දරුවන් ඇඹිලිපිටිය සහ ඇහැලියගොඩ ජාතික පාසල්වලට එනවා .........දිස්තික්කයේ අපේ දරුවන්ට ගමේ පාසලේ තැනක් නැහැ............ පසුගිය කාලේ කොළඹ දරුවන් බදුල්ලෙන් විභාගයට ලිව්වා වගේ දෙයක් තමා රත්නපුර දරුවන්ට වෙන්නෙත්

: 0 1