මේරියන්ස් සංගීත කණ්ඩායමේ නිත්‍ය ගායක ශිල්පියෙකු වන ශිවන්ත ප්‍රනාන්දු මෑශප් කලාව තුළින් රසික හිත්වල වෙනමම ඉඩක් වෙන් කර ගත් අයෙකුයි. ඔහු විසින් ඉදිරියේදී එළිදැක්වීමට නියමිත ගීතය පිළිබඳව මෙසේ පවසා සිටියා.

"මිහිර බණ්ඩාර විසින් ලියපු මගේ ඔරිජනල් ගීතයක් තියෙනවා. පසුගිය දවස ඒක රූපවාහිනි වැඩසටහනකදී ගායනා කරනු ලැබුවා. ඒ ගීතයේ මෙලඩි එක සුරේන් දිසානායකගේ විසිනුයි කරනු ලැබුවේ. ඒකේ ඕඩියෝ එකෙත් වැඩකටයුතු ඉවරයි. වීඩියෝ එක කරන්න තමයි ඉන්නේ. වීඩියෝ එකත් එක්කම එළියට දාන්න තමයි දැනට කතාකරලා තියෙන්නේ. මේ දින ටිකේ අලුත් මෑශප් එකේ වැඩත් කරගෙන යනවා. මේ මෑශප් එකට ගීත තුනක් අඩංගු වෙනවා. එකක් "නිම්හිම් සෙව්වා මා සසරේ", දිල්වාලේ ගීතයක් වන "ජනම් ජනම්" ගීතය සහ අන්චෙයින්ඩ් කියන පරණ ඉංග්‍රීසි ගීත තුන තමා මේ සඳහා අරගෙන තියෙන්නේ. ඒ මෑශප් ගීතයත් වීඩියෝ එක්ක තමයි එළියට එන්නේ.

ඩිලාන් ක්‍රිෂාන්ත / ඡායාරූප අනුග්‍රහය - ශිවන්තගේ ෆේස්බුක් ගිණුමෙනි.