‘‘උදය ගම්මන්පිල මහාතාට ආණ්ඩුවක් හදන්න ඔන කම තියේ නම් කරන්න තියෙන හොදම දේ තමයි බෙදීමක් නැතිව අපිත් එක්ක එකතුවෙලා එකට ගමනක් යන එක. එක්සත් ජාතික පක්ෂය සමග ඩීල් දමන අය තමයි අපේ පක්ෂය දෙකට කඩන්න හදන්නේ. ඉතින් උදය ගම්මන්පිල මහත්තයා දැනුවත්ව හෝ නොදැනුවත්ව ඒ කටයුත්තට සම්බන්ධ වෙලාද කියන එක තමයි ප්‍රශ්නය.‘‘ යැයි එක්සත් ජනතා නිදහස් සංධානයේ මහ ලේකම්  ධීවර අමාත්‍ය මහින්ද අමරවීර මහතා පැවසිය.

අමාත්‍යවරයා මේ අදහස් පළ කලේ අද (22) දහවල් අම්බලන්තොට කරඹගල්මුල්ල ප්‍රෙද්ශයේ පැවති වෛද්‍ය සායනයකට සහභාගී වෙමිණි. 

‘‘පක්ෂයක් විදියට අපි නිතරම උත්සාහ කරන්නේ සියලු දෙනා එකට ගමනක් යන්න මිසක් කඩාගෙන වෙන් වෙලා යන්න නෙමෙයි.    මාදුළුවාවේ සෝභිත ස්වාමින් වහන්සේගේ අපවත් විම පිළිබවද සැකයක් පවතින බවට හිමිවරුන් පිරිසක් රජයට චෝදනා කරමින්  අදහස් පළකළා. මා මේ පිළිබදව දැනුම්වත් වුණේ මාධ්‍ය හරහා එය ප්‍රචාරය වු පසුවයි. ඒ සම්බන්ධව රජයක් විදියට විදිමත් පරීක්ෂණයක් විනිවිදභාවයෙන් යුතුව පැවැත්වීමට අපි කටයුතු කරනවා. නමුත් මන් මේ වෙලාවේ කියන්න ඔනේ විවිධ පාර්ශව මේ වෙලාවේ රජය අපහසුතාවයට පත් කිරීම සදහා විවිධ උපක්‍රම සිදු කරමින්  සිටිනවා. මන් වගකීමෙන් කියනවා රජයක් විදියට අපි පැහැදිලි ස්ථාවරයක ඉන්නවා මේ සම්බන්ධයෙන් විධිමත් සාධාරණ පරීක්ෂණයක් සිදු කළ යුතුය කියා.

අපිට හංගන්න දෙයක් නෑ. වසන් කරන්න දෙයක් නෑ  මේ සම්බන්ධයෙන්. ඒ විතරක් නෙමෙයි  ඉදිරියේදී අපි මේ සම්බන්ධයෙන් සාකච්ජා කරන්න බලාපොරොත්තු වෙනවා. අනික අපි කියන්න ඕනේ  එක්සත් ජාතික පක්ෂයකත් එක්ක ඩීල් එකක් දමනවා නෙමෙයි. ඔවුන් සමග දීර්ඝ කාලීන ගමනක් අපිට නෑ. පක්ෂයක් විදියට අපට ස්ථාවරයක් තියෙනවා. පක්ෂ ප්‍රථිපත්ති වලට අනුව තමයි අපි වැඩකරන්නේ. කවුරු කකුලෙන් ඇද්දත් අපි ඒගමන යනවා. ජාතික ආණ්ඩුවේ අමාත්‍ය ධුර දැරුවා කියා එක්සත් ජාතික පක්ෂය කියන කියන එක කරන්න අපි සුදානම් නෑ. අපිට පක්ෂයක් විදියට ඉලක්කයක් තියෙනවා. සන්ධානේ මහලේකම් විදියට මගේ ඉලක්කය තමයි 2020දීනැවත අපේ රජයක් බිහි කරණ එක.

ඉතින්ඒ සදහා අවශ්‍ය වටපිටාව අපි හදනවා. ඒ වෙනුවෙන් තමා අපි මේ සෑම පක්ෂයක්ම එකතු කරගන්න හදන්නේ. ඒ ගමනෙදි අකුල් හෙලන කකුල් මාට්ටු දමන පිරිසක් ඉන්න බව අපි දන්නවා. අපි ඒවට සැලෙන්නේ නෑ. අපි අපේ ගමන යනවා. පිරිසක් උත්සාහ කරනවා ආණ්ඩු පෙරලන්න.  ආණ්ඩු පෙරලන්න තුවක්කුවෙන් බෑ. අවස්ථා දෙකකදි කරන්න උත්සාහ කරා. එය අසාර්ථකවුණා. ආණුඩුවක් පෙරලන්න නම් ප්‍රජාතන්ත්‍රවාදි ක්‍රමයකට එන්න ඕනෑ. එහෙම නැතිව තුවක්කු වලින් බුල් ඩෝසර් වගින් ආණ්ඩු පෙරලන්න බෑ. ඒක තමයි ඇත්ත තත්ත්වය. ආණ්ඩු වෙනස් කරන්න නම් මැතිවරණයක් එන්න ඕවෑ. මැතිවරණය වෙනකොට කට්ටියම එකට හිටියොත් ඒක කරන්න පුළුවන්. සහරු මෙරට ත්‍රස්ථවාදයක් ඇතිවෙනවා කියා රටේ භීතියක් මවන්න උත්සාහ කරනවා. මන් වගකීමෙන් කියනවා නැවත මේ රටේ ත්‍රස්ථවාදයක් ඇතිවෙන්නේ නෑ කියා‘ යැයි අමාත්‍ය වරයා කීවේය.