බොලිවුඩයේ මෙන්ම කොලිවුඩයේද අතිශය ජනප්‍රිය සිනමා නිළියක වන ශ්‍රෑති හසන් රංගනයට මෙන්ම ගායනයටද දක්වන්නේ සුවිශේෂි දක්ෂතාවක්. පසුගිය කාලෙ චිත්‍රපට කිහිපයකම පසුබිම් ගායනයට එක්වූ ශ්‍රෑති, මේ දිනවල එංගලන්තයේ ලන්ඩන් නගරයේ වෙසෙන ජනප්‍රිය සංගීත කණ්ඩායමක් වූ Dinosaur Pile -Up සමගින් අලුත්ම පොප් ගීතයක් නිර්මාණය කළ බව වාර්තා වෙනවා. කෙසේ වෙතත්, "ද ටයිම්ස් ඉන්දියා" වෙබ් අඩවිය සඳහන් කරන්නේ ශ්‍රෑති ගායන මෙම අලුත්ම ගීතය Dinosaur Pile -Up සංගීත කණ්ඩායම විසින් තවත් නොබෝ දිනකින් එළිදක්වන ඔවුන්ගේ අලුත්ම ගීත ඇල්බමයට ඇතුළත් කිරීමට කටයුතු කර ඇති බවයි.

දකුණු ඉන්දීය සුපිරි නළුවෙකු වන කමල් හසන්ගේ වැඩිමහල් දියණිය වන ශ්‍රෑති, මේ වසරේ කොලිවුඩයේ මෙන්ම බොලිවුඩයේ එළිදකින චිත්‍රපට කිහිපයකින්ම සිය රංගන හැකියාවන් රසික පිරිස් හමුවීමට නියමිතයි.