ඉහළම ආදායම් ලැබූ චිත්‍රපට කිහිපයක දායක වෙන්නට ලැබීම පිළිබඳව තමා දැඩි ලෙස සතුටට පත්වන බවත්, ඒ නිසාම බොලිවුඩ් සිනමාවේ වාසනාවන්තම නිළිය වන්නට තමාට හැකිවූ බවත් අනුෂ්කා ෂර්මා "සන්ටා බන්ටා" වෙබ් අඩවිය සමග පවසා තිබෙනවා.

මේ දිනවල අතිසාර්ථකව තිරගත වෙන සල්මාන්ගේ "සුල්තාන්" චිත්‍රපටයේ ප්‍රධාන නිළි චරිතයට පණ පොවන අනුෂ්කා එවැනි විශාල ආදායමක් උපයාගත් චිත්‍රපටයක සාහිකාවක් වීමට ලැබීම පිළිබඳව ඇත්තේ කිව නොහැකි සතුටක් බව එම වෙබ් අඩවියට ඇය පවසා තිබෙනවා. එමෙන්ම මීට වසර 2කට පෙරදී තිරගත වූ අමීර් ඛාන්ගේ "පීකේ" චිත්‍රපටය මේ වනවිට බොලිවුඩයේ ඉහළම ආදායමක් උපයාගත් චිත්‍රපටය වීමත් ඒ සඳහාද තමාට යම් දායකත්වයක් සැපයීමට අවස්ථාවක් ලැබීමත් පිළිබඳව තමා තුළ විශාල සතුටක් පවතින බවද ඇය මෙහිදි වැඩිදුරටත් පවසා තිබුණා.

එමෙන්ම අනුෂ්කා, ෂාරුක් ඛාන් සමගින් රංගනයෙන් දායක වූ "ජබ්තක් හේ ජාන්" හා "රබ් නේ බානා ඩී ජෝඩි" චිත්‍රපට සඳහාද දායක වූ අතර, ඒවාද ඉහළ ආදායමක් උපයාගත් චිත්‍රපට අතරද තිබෙනවා.