(ජේ.කේ.එල්. චාමින්ද)

 බන්ධනාගාර දෙපාර්තමේන්තුව විසින් ඉකුත් වර්ෂයේ දෙසැම්බර් මාසයේ දින 31ක්  තුළ  වැලිකඩ බන්ධනාගාරයේ  සිරකරුවන් අවස්ථා  233 කදි  බන්ධනාගාර නිලධාරින්ගේ නිවාස පරිශ්‍රයන් තුළ   සේවයේ යොදවා  ඇතැයි බව ජාතික විගණන කාර්යාලය මගින් නිකුත්කොට ඇති වාර්තාවක සදහන් වේ.

එසේම   මේ සදහා බන්ධනාගාර  නියාමක නිලධාරින්ගේ මිනිස් දින 234ක කාලයක්  වැයකොට  ඇතැයිද එම වාර්තාවේ පෙන්වා දෙයි .

මෙම කාලය තුළ බන්ධනාගාර නිලධාරින්ගේ නිවාස ආශ්‍රිත පරිශ්‍රයන්  වෙත සිරකරුවන්  රැගෙන යාම සදහා  අවස්ථා 62කදි  බන්ධනාගාර  මුලස්ථානයේ  සංචිත වාහන 09ක්  කිලෝමිටර් 372ක්  ධාවනයකර තිබු බවද  විගණනය මගින් අනාවරණය කොට ඇත.

 එමෙන්ම  අයවැය චක්‍ර ලේඛ මගින් අතිකාල වියදම් ද  දැඩිලෙස  පාලනය කිරිම අත්‍යවශ්‍ය  අවධාරණය කරතිබුනද  2023 වර්ෂයේ අතිකාල හා නිවාඩු  දිමනා වශයෙන්  රුපියල් මිලියන  982ක්  වැයකර තිබුණි. ඒ අනුව 2022 වර්ෂයට  සාපේක්ෂව  අතිකාල හා නිවාඩු  දිමනාව 2023 වර්ෂයේ දි  රුපියල් මිලියන 106කින් වැඩිවි ඇති බවද විගණනය මගින් අනාවරණය කොට ඇත.