’’වැල් වටාරම් කතා කරනකොට දරුවෝ හිනාවෙනවා’’

(සුජිත් හේවාජුලිගේ සහ  අන්ජුල මහික වීරරත්න)

"වැල් වටාරම්  කතා කරනකොට ගැලරියෙ ඉන්න  දරුවෝ ඔබතුමාට හිනා වෙනවා" යැයි  කතානායක මහින්ද යාපා අබේවර්ධන මහතා සමගි ජන බලවේගය පක්ෂයේ බදුලු  දිස්ත්‍රික් මන්ත්‍රී චමින්ද විජේසිරි මහතාට පාර්ලිමේන්තුවේදී අද (9) පැවසීය.

කතානායකවරයා මෙසේ පැවසුවේ විජේසිරි මන්ත්‍රීවරයා එම්.සී.සී ගිවිසුම සම්බන්ධයෙන් ප්‍රශ්නයක් යොමු කරමින් ඒ සම්බන්ධයෙන් දිගින් දිගටම අදහස් දැක්වීමට උත්සහ දැරූ අවස්ථාවේදීය.

මේ එහිදී ඇතිවූ සංවාදයයි.

කතානායක මහින්ද යාපා අබේවර්ධන මහතා:

ඔබතුමා එකම දේ දෙපාරක් කියනවා. ගරු මන්ත්‍රීතුමා ප්‍රශ්නෙ විතරක් අහන්න.සභාවේ කාලය නාස්ති කරන්න එපා. වැල්වටාරම් දොඩවන්න එපා.

චමින්ද විජේසිරි මහතා:

කතානායකතුමා..  ඔබතුමා  ස්වාධීන වෙන්න ඕන.

කතානායක:

ඒක තමයි මම ප්‍රශ්නෙ විතරක් අහන්න කිව්වේ.

විජේසිරි මහතා:

ප්‍රශ්නයක් එකපාරටම ඩෝන් ගාලා අහන්න බැහැ. පොඩ්ඩක් කාලය  යනවා.

කතානායක:

හරි ප්‍රශ්නෙ කෙටියෙන් අහන්නකො.