කොළඹ බංගසාල වීදීයේ  ඕෂන් මැරයින් සර්විසස් සමාගමට  රුපියල් දෙකෝටියක් වංචා කළැයි කියන වරාය අධිකාරියේ විධායක අධ්‍යක්ෂ සංජය සේදර සෙනරත්ට සිතාසි භාර දීම සඳහා පිස්කල් නිලධරයින්ට ඔහු පෙන්වන ලෙස කොළඹ අතිරේක මහේස්ත්‍රාත් සී ඒ ජී ලියනගේ මහතා පැමිණිලිකරුට නියම කළේය.

මහේස්ත්‍රාත්වරයා එම නියෝගය කළේ වග උත්තරකරුට සිතාසි භාර දීමට පිස්කල් නිලධරයින් අසමත්වී ඇති බව ප්‍රකාශ කිරීම නිසාය.

මෙම පුද්ගලයා තමාට පෙන්වා දිය හැකි බැවින් පිස්කල් නිලධරයින්ට ඔහු පෙන්වා දීමට අවසර දෙන ලෙස මහේස්ත්‍රාත්ගෙන් ඉල්ලා සිටියේය.

නැව් සංස්ථාවෙන් කුලියට ගන්නා නැවක ආයෝජනය  කිරීම සදහා  සෙනරත් එම සමාගමෙන් රුපියල් දෙකෝටියක් වංචා කැර ඇතැයි ද  උසාවියේදී කියැවිණි.