විපක්ෂ නායක බෑ කියයි- අගමැති එන්න කියයි

(අංජුල මහික වීරරත්න සහ සුජිත් හේවාජුලිගේ)

පාර්ලිමේන්තු ඡන්ද ක්‍රමය මිශ්‍ර ක්‍රමයක් දක්වා වෙනස් කිරීම සඳහා ජන වරම අනුව අමාත්‍ය මණ්ඩලයට ඉදිරිපත් වූ යෝජනාව ගැන පාර්ලිමේන්තුව නියෝජනය කරන පක්ෂවල අදහස් විමසීමේ සාකච්ඡාවට එන්නැයි අග්‍රාමාත්‍ය දිනේෂ් ගුණවර්ධන මහතා විපක්ෂ නායක ඇතුළු සියලු පක්ෂවලින් ඉල්ලීමක් කළේය.

අදාල සාකච්ඡාවට සහභාගී නොවන බවට විපක්ෂ නායක සජිත් ප්‍රේමදාස මහතා පාර්ලිමේන්තුවේදී දී කළ ප්‍රකාශයකින් පසුව අග්‍රාමාත්‍යවරයා ඉහත ඉල්ලීම කළේය.

පාර්ලිමේන්තු මැතිවරණ ක්‍රමය වෙනස් කර මිශ්‍ර ඡන්ද ක්‍රමය පිළිබඳ යෝජනාව සද්භාවයෙන් ඉදිරිපත් කරන්නේ ජන වරම අනුව බවත්, මේ ගැන ජනතාව බලාපොරොත්තුවෙන් සිටින බවත් කී අගමැතිවරයා පළාත් පාලන ඡන්දය ද තවම අවලංගු කර නැතැයි කියා සිටියේය.

අදහස් (3)

විපක්ෂ නායක බෑ කියයි- අගමැති එන්න කියයි

Hafeel Wednesday, 18 October 2023 02:03 PM

මේ මොහොතේ මේක රටට අත්‍යාවශ්‍ය වැඩක්ද? ජනතාව මේකද ඉල්ලන්නේ? රටේ ආර්ථිකය ගොඩගන්න බැරි නිසා, ජනවරමක් නැති ජනාධිපති ඡන්දය කල් දාන්න කරන්න උත්සාහයක්? මේ ජනාධිපති බලයට ඇවිල්ලා දැනට වසරකටත් වැඩියි. නමුත් රටේ නිෂ්පාදනයක් ඇති කරලා හෝ, අපනයනය කරලා හෝ සතයක්වත් උපයලා නැහැ. හැබැයි රංචු පිටින් විදේශ සවාරි යන්න... ඒක නම් අඩුවක් නැහැ. මෙයාගේ තියන විකල්ප, ණය ගන්න එක, බදු වැඩි කරන එක, ජනතාවට බර පටවන එක, ලාබ ලබන රාජයේ ආයතන විකුණන එක මිස, කිසිම වැඩපිළිවලක් නැහැ...

: 2 25

City Wednesday, 18 October 2023 02:22 PM

සහභාගීවීම වැදගත් වර්ජයට වඩා

: 16 3

ගමේ එකාලා Wednesday, 18 October 2023 03:33 PM

ඡන්දයක් තිබ්බොත් ඉන්න අයටත් යනඑන මන් නැති වෙන නිසා ආණ්ඩුව මොකාට එන්ඩ හදනවාද කවුද දන්නේ...?

: 1 19