(  රංජිත් රාජපක්ෂ   )      
විදේශිය රැකියා වල නිරතව සිට සහ මෙරට සංචාරය සදහා පැමිණි පුද්ගලයින් 14 දෙනෙකු ස්වයං නිරෝධානයට යොමු කිරිමට බගවන්තලාව සෞඛ්‍යය  වෛද්‍ය  කාර්යයාලයේ මහජන සෞඛ්‍ය පරික්ෂකවරුන් අද (17)  කටයුතු කළේය.
 
මොවුන්  පසු ගිය 8 දින සිට යුක්‍රේනය , ජර්මනිය , සෞදි ආරාබිය , මැලේසියාව , කටාර් යන රටවල් වලින්  සිබගවන්තලාව ප්‍රදේශයට පැමිණි  පිරිසක් බව  මහජන සෞඛ්‍ය පරික්ෂක කදිරේෂන් ගනේෂ් මහතා කියා සිටියේය.
 

මෙම පුද්ගලයින්  14 දෙනා පිළිබදවම  බගවන්තලාව පොලිසියට සහ බගවන්තලාව මහජන සෞඛ්‍ය කාර්යයාලයට තොරතුරු ලැබීමෙන් පසු  බගවන්තලාව මහජන සෞඛ්‍ය පරික්ෂක කාර්යයාලයේ මහජන සෞඛ්‍ය පරික්ෂකවරුන් ඔවුන් සිටින ස්ථානවලට ගොස් පරික්ෂාවට ලක් කළ කර තිබේ.

 
එම 14 දෙනාම කිසිදු කොරානා රෝග ලක්ෂණයක් නොතිබුණු බවත්, නමුත් සියලු දෙනාම මහජන සෞඛ්‍යය පරික්ෂකවරුන් අධික්ෂණය යටතේ දින 14 ක් ස්වයං නිරෝධානයට යොමු කර ඇති බවයි බගවන්තලාව මහජන සෞඛ්‍යය පරික්ෂකවරයා කියා සිටියේය.
 
 
යුක්‍රේනයේ සිට මෙරටට පැමිණි විදේශිය කාන්තාවන් තිදෙනා බගවන්තලාව ප්‍රදේශයේ සංචාරක බංගලාවක නතර වි ඇති බවත්, නිරෝධානයට ලක් නොවු 14 දෙනා අතර කාන්තාවන් 7 දෙනෙකුද සිටින බවයි බගවන්තලාව මහජන සෞඛ්‍යය පරික්ෂක කදිරේෂන් ගනේෂ් මහතා වැඩි දුරටත් කියා සිටියේය.