(තරංග ගුණරත්න සහ සුනිල් ධර්මබන්දු ද සිල්වා)

වැලිගම කුඹල්ගම කුරුඳුවත්ත ප්‍රදේශයේ සංචාරක නිකේතනයක ලැගුම්ගෙන සිටි විදේශිකයකු එහි හිමිකරුට තියුණු ආයුධයකින් පරදි පසුව කාමරයට ගිනි තබා විදේශිකයා ද එම ගිනි ගොඩට පෑනිම නිසා පිලිස්සුම් තුවාල ලබා මාතර මහ රෝහලට ඇතුළත් කොට ඇතැයි වැලිගම පොලිසිය කියයි.

ඊජිප්තු ජාතික 33 හැවිරිදි මෙම සංචාරකයා වසර තුනක පමණ කාලයක සිට මෙම සංචාරක නිකේතනයේ නවාතැන් ගෙන සිට ඇති බවත් මාසයක පමණ කාලයක සිට මෙම සංචාරක නිකේතනයට ගෙවිය යුතු මුදල් සංචාරකයා විසින් පැහැර හැර ඇති බව පොලිසිය කියයි.

එ පිළිබඳ හිමිකරුවන් සංචාරකයාට පවසා ඇති බව කියයි. එහිදි (2 ) දින පස්වරුවේදි දෙපාර්ශවය අතර බහින් බස් වීමක් සිදුවී ඇති බව ද පොලිසිය කියයි.

එහිදි උරණ වු සංචාරකයා හෝටල් හිමිකරුට තියුණු ආයුදයකින් පහරදී තිබේ.

අනතුරුව එම සංචාරකයා ඔහු නවාතැන් ගෙන සිටි කාමරයේ ඇඳට ගිනි තබා ගෑස් සිලින්ඩරයක්ද එම ස්ථානයට දමා ඔහු ද එම ගිනි ගොඩට පැන ඇති බව පොලිසිය කියයි.

එහිදි වැලිගම මූලස්ථාන පොලිසියේ නිලධාරීන් කණ්ඩායමක් පැමිණ එම සංචාරකයා ගින්නෙන් බේරාගෙන කඩිනමින් රෝහල් ගත කිරීමට කටයුතු කළ බව පොලිසිය කියයි.

එම අවස්ථාව වන ව්ට තවත් රටවල් කිහිපයක සංචාරකන් මෙම සංචාරක නිකේතනයේ නවාතැන් ගෙන සිට ⁣ඇති අතර ඔවුන්ට කිසිදු හානියක් නොමැති බව පොලිසිය කියයි.