(බිමල් ශ්‍යාමන් ජයසිංහ)

එළිසබත් රැජිනගේ රූපය අඩංගු කර තනන ලද ලක්ෂ 66 අධික වටිනා ඕස්ට්‍රේලියානු ඩොලර් 1000 රන් කාසියක් බණ්ඩාරගම වැල්මිල්ල හඳුන්වැන්න ප්‍රදේශයේ නිවසකින් සොරාගත් පුද්ගලයන් තිදෙනකු අත්අඩංගුවට ගත් බව බණ්ඩාරගම පොලීසිය කියයි.

එම රන් කාසියේ බර ග්‍රෑම් 311 ක් බව පොලීසිය සඳහන් කරයි.

පැමිණිලිකාරිය ගේ සැමියා රෝගී තත්ත්වයකින් පසුවූ බැවින් ඔහු නිවසේ නතර කර ඉකුත් 8 වෙනි දින අවශ්‍යතාවයක් සඳහා මාතරට ගොස්  නිවසට පැමිණ නිවසෙහි ඉදිරි දොර විවෘත කර නිවෙස තුලට යන අවස්ථාවේදී සිය සහෝදරියගේ 16 හැවිරිදි දියණිය ද නිවසේ කබඩ් එකේ වීදුරු කඩලා තියනවා යැයි කෑ ගසා පැවසූ බවත් පසුව එය පැමිණිලිකාරිය පරික්ෂා කළ අවස්ථාවේදී ඒ තුළ දමා තිබූ රන් කාසිය සොරාගෙන ගොස් ඇති බවට දැක තිබූ පොලිසිය කියයි.

පැමිණිලිකාරිය විවාහ වී සිටින ඕස්ට්‍රයන් ජාතික සැමියා ඇයව විවාහ කර ගැනීම සඳහා පැමිණෙන විට මෙම රන් කාසිය තෑගි දුන් බවත් මුහුණත ප්‍රදේශයේ එලිසබත් රැජනගේ රුවත් පසුපස කොටසේ කැන්ගරුවෙකුගේ රූපයක් තිබූ බව බවත් එය සුරක්ෂිතව නිවසේ සාලයේ කබඩ් එකක් තුල තැන්පත් කර තිබූ බවත් එම කාන්තාව කරන ලද පැමිණිල්ලේ සඳහන් වූ බව උසස් පොලිස් නිලධාරියෙක් පැවැසීය.