අනවසරයෙන් ඉන්දියා ජාතිකයන් ශ්‍රී ලංකාවට පැමිණ වකුගඩු විකිණීමේ සිද්ධිය සම්බන්ධයෙන් මිරිහාන රැඳවුම් කඳවුරේ සිට පැන ගිය සැකකරු විදේශ ගතව ඇතැයි පොලිසිය අද (2) කොළඹ ප්‍රධාන මහේස්ත්‍රාත් ගිහාන් පිලපිටිය මහතාට දැනුම් දුන්නේය.

ආගමන විගමන පාලකවරයාට හෝ නියෝජිතයකුට ඔහුගේ විදේශ ගතවීම සම්බන්ධයෙන් සවිස්තරාත්මක වාර්තාවක් ලබාදෙන්නැයි නියෝග කරමින් නොතීසි නිකුත් කිරීමට මහේස්ත්‍රාත්වරයා කටයුතු කළේය.

එමෙන්ම එම සිද්ධිය සම්බන්ධයෙන් මිරිහාන පොලිසියේ මූලස්ථාන පොලිස් පරීක්ෂකවරයාට අධිකරණය හමුවේ ලබන 16 වැනිදා පෙනී සිට කරුණු ඉදිරිපත් කරන්නැයිද නියෝග කැරිණි.