පැනමා රාජ්‍යයේ මොසැක් ෆොන්සේකා සමාගමේ කළු සල්ලි තැන්පත් කළැයි කියන ලොව රටවල් 200ක ව්‍යාපාරිකයන් හා දේශපාලනඥයන් ඇතුළු පිරිස් අතර ශ්‍රී ලංකාවේ 40 දෙනකුගේද නම් ඇතැයි ගවේෂණාත්මක ජනමාධ්‍යවේදීන්ගේ අන්තර්ජාතික සංසදය කියයි.

කලින් නම් හෙළි නොවුණු ශ්‍රී ලාංකිකයන් පිරිසක් ද සිටින බවත් පැනමාවේ මොසැක් ෆොන්සේකා නීතිඥ සමාගමෙන් කෝටි දස ලක්ෂයක් පමණ ලියවිලි පිටවී ඇතැයි ද කළු සල්ලි සුදු කිරීමටත් රට රටවල නීතිවලින් හා බදු වලින් පැන යාමටත් මෙම සමාගම උදව් කර ඇතැයි කියති.

ශ්‍රී ලංකාවේ 40 දෙනකුගේ නම් මෙම ලියවිලිවල ඇතැයිද ජනමාධ්‍ය සංසදය කියයි. මීට පෙර සඳහන් කැරුණේ ශ්‍රී ලංකාවේ 46 දෙනකුගේ නම් එම මුදල් තැන්පත් කළ අය අතර ඇති බවයි.