ශ්‍රී  ලංකා ශ්‍රමිකයකු සඳහා වැයයන පිරිවැය සෞදි රියාල් 23,000 ක් (රුපියල් 870377) පමණ බව  සෞදි ගැසට් වෙබ් අඩවිය කියයි.

ගෘහසේවිකාවන් සපයන අනෙකුත් රටවලට සාපේක්ෂව වැඩිම මිලක් ගෙවීමට ඇත්තේ ශ්‍රී ලංකා ශ්‍රමිකයින්ට බවත් සේවා වීසා යටතේ පිලිපීනයෙන් පැමිණෙන ගෘහසේවිකාවක සඳහා වැයවන්නේ රියාල් 19,000 ක් (රුපියල් 719007) පමණ බවත්, සත්‍යවශයෙන්ම මෙය  බඳවා ගැනීමේ පිරිවැය ඉක්මවා යාමක් බවත් ජෙඩා වාණීජ හා කර්මාන්ත මණ්ඩලයේ, බඳවා ගැනීමේ කමිටු සභාපති යාහ්යා අල්-මක්බූල් මහතා ප්‍රකාශ කොට ඇත.

ඔහු සඳහන් කරනුයේ කම්කරු රැකියා සඳහා ශ්‍රී ලංකා ශ්‍රමිකයින් බඳවා ගැනීමේ පිරිවැය ද ඉහළ ගොස් තිබෙන බවයි.සුඩාන්, ඊජිප්තුව හා බංගලිදේශය වැනි රටවලින් රියැදුරු රැකියාවන් සඳහා පැමිණෙන ශ්‍රමිකයින් සඳහා දැරිය යුතු පිරිවැය රියාල් 3,000 ත් 7,000 ත් (රුපියල් 113527- 264897) අතර පහළ අගයයක් ගනිද්දී ශ්‍රී ලංකා ශ්‍රමිකයින් සම්බන්ධයෙන් ඊට වැඩි පිරිවැයක් දැරීමට සිදුව ඇති බව ඔහු පවසයි.

ඇතැම් අවස්ථාවල, පරිවාස කාලය අතරතුර දී ගෘහසේවිකාවන් නැවත ලංකාවට හරවා යවන්නට සිදුවෙන අවස්ථා ඇති බවත්,  එවැනි අවස්ථාවල දී තමන්ට අතිරේක පිරිවැයක් දරන්න සිදුවෙන බවත් ඔහු කියයි.

එසේම  මේ වන විට බොහෝ ශ්‍රී ලංකා රැකියා ඒජන්සි ඔවුන්ගේ තැරැව්කාර ගාස්තු ඉහළ දමා ඇති හේතුවෙන් ශ්‍රමිකයෙකු වෙනුවෙන් දැරීමට සිදුවෙන වියදම  ඉහළගොස් ඇතැයි ද ඔහු පවසයි.