ලංකා ජනපති ඇතුළු ලෝක නායකයෝ චීනයේදී එක මාවතක

(අංජුල මහික වීරරත්න)

03 වන “එක් තීරයක් - එක් මාවතක්” ජාත්‍යන්තර සහයෝගීතා සමුළුව චීන ජනාධිපති ෂී ජින් පිං මහතාගේ ප්‍රධානත්වයෙන් රටවල් 20ක පමණ රාජ්‍ය නායකයන් සහ රටවල් 130ක පමණ නියෝජිතයන්ගේ සහභාගීත්වයෙන් බීජිං නුවර මහජන මහා ශාලාවේ දී අද (18) ආරම්භ කෙරිණි.

ජනාධිපති රනිල් වික්‍රමසිංහ මහතා ද සමුළුවේ සමාරම්භක අවස්ථාවට එක් වූ අතර සමුළුව සඳහා සහභාගී වූ රාජ්‍ය නායකයෝ හමුදා උත්තමාචාර පිරිනමමින් පිළිගනු ලැබූහ.

අනතුරුව ශ්‍රී ලංකා ජනාධිපතිවරයා ද සෙසු රාජ්‍ය නායකයෝ ද චීන ජනාධිපතිවරයා සමග සමූහ ඡායාරූපයකට ද පෙනී සිටියහ.

විවිධ මහද්වීපයන් නියෝජනය කරමින් රුසියානු ජනාධිපති ව්ලැද්මිර් පුටින් (Vladimir Putin) , කසකස්ථාන ජනාධිපති කාසීම් ජොමාර්ට් ටොකයෙව් (Kassym-Jomart Tokayev), ඉන්දුනිසියානු ජනාධිපති ජොකෝ විදොදෝ (Joko Widodo) , ආර්ජන්ටිනා ජනාධිපති ඇල්බර්ටෝ ෆර්නෑන්ඩස් (Alberto Fernández), ඉතියෝපියානු අග්‍රාමාත්‍ය අබේ අහමඩ් (Abiy Ahmed) යන මහත්වරු ද මෙම අවස්ථාවට සහභාගී වූහ.

අදහස් (2)

ලංකා ජනපති ඇතුළු ලෝක නායකයෝ චීනයේදී එක මාවතක

chandima Thursday, 19 October 2023 02:39 AM

අපේ එක්කෙනා ඔය එකමාවතේ පස්සෙන් ගියාට සුදු මචන් කෙනෙක් ඇත වනපු ගමන් වංගුවක් ගහලා ආපහු හැරෙනවා .ඔන්න බොරුද බලන්න ?

: 0 0

චන්දන Thursday, 19 October 2023 10:25 AM

චීන මාධ්‍යෙව්දිනිය ඉතා අපූරු දක්ෂ ලෙස මෙහෙයවපු සාකච්ඡාවක් දැක්කා. ඒක සූක්ෂම ලෙස රනිල් අමාරුවේ දාපු එකක් බව පෙනුනා. යන්නෙ කොහෙද මල්ලෙ පොල් උත්තර දුන්නෙ දැනුවත්ව හෝ නොදැනුවත්ව. මේ සමුළුවේ අරමුණ ඉතා සරලවම කියනව නම් චීන වෙළඳාම ලෝකය පුරා ව්‍යාප්ත කිරීම. මේක දැන් අවුරුදු 10 කට විතර කලින් පටන් ගනිපු එකක්. දැනටත් ලංකාවෙ දහස් ගණන් නිළධෘරින් මේ පිළිබඳව චීනය විසින් දැනුවත් කරල තියෙන්නෙ පහුගිය කාලෙම. ලෝකෙම ඒකට අහුවෙලා කියල තමා දැන්නම් පේන්නෙ. බටහිර රටවල් යුද්ද කරන අතරෙ මෙයාල වෙළඳපොල අල්ලලා ඉවරයි.

: 1 3