(අංජුල මහික වීරරත්න)
ශ්රී ලංකා ගුවන් යානා හදිසි අනතුරු විමර්ශනය කිරීමේ කාර්යාංශය (AAIBSL) ස්ථාපිත කිරීමට කැබිනට් අනුමැතිය ලැබී ඇත.
2002 අංක 34 දරන ශ්රී ලංකා සිවිල් ගුවන් සේවා අධිකාරිය පනතට අනුව, ශ්රී ලංකාවේ සීමාව ඇතුළත ගුවන් ගමන් අනතුරු සහ සිද්ධීන් පිළිබඳව විමර්ශනය කිරීමේ වගකීම එම අධිකාරිය වෙත පැවරී ඇත.
එහෙත්, 2010 වර්ෂයේ දී පවත්වන ලද ජාත්යන්තර ගුවන් සේවා සංවිධානයේ (ICAO) නිරුපද්රිතා අධීක්ෂණ විගණනයක දී ගුවන් යානා හදිසි අනතුරු සහ සිදුවීම් සම්බන්ධයෙන් විමර්ශන කිරීම සඳහා ස්වාධීන ක්රියාවලියක් නොමැති වීම පිළිබඳව කරුණු අනාවරණ කර තිබේ.
ඒ අනුව, ස්වාධීන ආයතනයක් වශයෙන් ශ්රී ලංකා ගුවන් යානා හදිසි අනතුරු විමර්ශනය කිරීමේ කාර්යංශයක් පිහිටුවීම පිණිස 2016 වර්ෂයේ දී අමාත්ය මණ්ඩල අනුමැතිය ලබා දී ඇති අතර, මේ වන විට ඒ සඳහා නීති කෙටුම්පත් සම්පාදක විසින් පනත් කෙටුම්පතක් සකස් කරනු ලැබ ඇත. එකී පනත් කෙටුම්පත සඳහා තවදුරටත් විධිවිධාන කිහිපයක් හඳුන්වාදිය යුතු බවට අදාළ පාර්ශ්වයන් විසින් පෙන්වා දී තිබේ.
ඒ අනුව, එකී විධිවිධානද ඇතුළත් කරමින් අදාළ පනත් කෙටුම්පත සකස් කිරීම පිණිස ප්රවාහන, මහා මාර්ග, වරාය සහ සිවිල් ගුවන් සේවා අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී.
COMMENTS
Reply To:
Sisira - cb chds hcdsh cdshcsdchdhd
සිවිල් ගුවන්සේවා අධිකාරිය තියෙන්නේ ඕවා කරන්න තමයි!! තවත් ආයතන පිහිටුවලා නිලධාරීන් පත්කරලා ලක්ෂ ගනන් පඩි දීමනා වාහන ආදිය දීලා රටේ ආර්ථිකය තව තවත් දුර්වල වීම හැර කිසිවක් වෙන්නේ නෑ...!
එයාර් ඇක්සිඩන්ට් ඇන්ඩ් සේෆ්ටි බෝර්ඩ් ලෙස අනුඛණ්ඩයක් සිවිල් ඒවියේෂන් එකේම පිහිටෙව්වා නම් ඉවරනේ…. ගිය වසරේ ලංඩන් සිට කොළඹ බලා පියාසර කල යූ එල්506 ශ්රීලාංකන් ගුවන්යානයට තුර්කි අහසේදී අඩි පන්දහසක් පහලින් වෙනත් ගුවන් පථයකට යොමුකර අපේ පයිලට්ලාගේ දක්ෂතාවය නිසාම බ්රිටිෂ් එයාර්වේස් බී777 යානයක ගැටෙන්න තිබුන අවස්ථාව මගහැරුණා. මේ පරීක්ෂණයට මොකද වුනේ…? අපේ ඒ330-300 යානයේ රේඩාර් වල දිස්වුනා එම මාර්ගයේ ඉහත බ්රිතාන්ය ගුවන්යානය පසුපසින් ආසන්නවම එන බව.