උතුරු සහ නැගෙනහිර පැවති ගැටුම් වලින් විපතට පත්වූ මෙරට කාන්තාවන් කොන්කර දැමිය නොහැකි බව ලෝක කාන්තා කටයුතු පිළිබඳ ඇමෙරිකාවේ රාජ්‍ය දෙපාර්තමේන්තුවේ තානාපතිනි කැත්රින් රසල් පැවසුවාය.

ශ්‍රී ලංකාවත් , ඇමෙරිකාවත් ඔවුන් අමතක කර නොමැති බවත්, එය ඔවුන් විසින් දැන ගැනීම වැදගත් වන්නේ යැයිද රසල් සඳහන් කළාය.

ලිංගික සමානාත්මතාවය උසස් කිරීම සෑම දෙනාගේ වැඩි කැමැත්ත බව ඇමෙරිකා එක්සත් ජනපදයේ විශ්වාසය යැයිද ඕ කීවාය.

ඉකුත් 28 සහ 29 දෙදින මෙරට රැඳී සිටි කාලය තුළඳී ඇමෙරිකා තානාපතිනි කැත්රින් රසල් ලාංකික කතුන් බල ගැන්වීම සහ ලිංගික සමානාත්මතාවය සඳහා ඇමෙරිකාව දක්වන බලවත් කැපවීම, ප‍්‍රතිසන්ධාන ක‍්‍රියාවලියේදී හා ආර්ථිකය ගොඩනැඟීමේ කටයුතු වලදී කාන්තා සහභාගීත්වයෙහි ඇති වැදගත්කම සහ ලිංගිකත්වය පදනම් කර ගත් ප‍්‍රචණ්ඩත්වය පිළිබඳව රාජ්‍ය නිලධාරීන්, සිවිල් සමාජ ක‍්‍රියාකාරීන්,ආගමික නායකයින් ,ව්‍යවසායකයින් හමුවේ අදහස් දැක්වු බවද එම නිවේදනයේ වැඩිදුරටත් සඳහන් වේ.