රෝහල්වලට යැවූ බෙහෙත් මාස දෙකක් තිස්සේ දුම්රිය වැගන්වල

(සුජිත් හේවාජුලිගේ)

සෞඛ්‍ය අමාත්‍යාංශයේ වෛද්‍ය සැපයුම් ඒකකය යැවූ කෝටි ගණනක වටිනා  ඖෂධ තොගයක් මාස දෙකකට අධික කාලයක් තිස්සේ සෙල්සියස් අංශක 45ක අධික උෂ්ණත්වය තුළ දුම්රිය වැගන් වල ඉවත් නොකර රඳවා තැබීම හේතුවෙන් ඒවායේ ගුණාත්මක භාවය අඩුවීමේ දැඩි අවදානමකට ලක්ව පැවතුණ බව ජාතික විගණන කාර්යාලය නිකුත් කළ වාර්තාවක සඳහන් වේ.

රෝහල්වලට බෙදා හැරීම සඳහා කොළඹ කොටුව දුම්රිය ස්ථානයේ සිට අනුරාධපුර දුම්රිය ස්ථානයට පසුගිය වසරේ මුල් මාස හයක කාලයේදී යවනු ලැබූ ඖෂධ තොග  වගකිවයුතු සෞඛ්‍ය ආයතන කලට වෙලාවට ඉවත් කර නොගැනීම නිසා  මේ තත්වය මතුවූ බව එම වාර්තාවේ දැක්වේ.

මෙම ඖෂධ ඉවත් කර නොගැනීම නිසා දුම්රිය දෙපාර්තමේන්තුවට ගෙවිය යුතු ප්‍රමාද ගාස්තුවල එකතු වටිනාකම රුපියල් ලක්ෂ පණහකට ආසන්නය.

මේ සම්බන්ධයෙන් සෞඛ්‍ය අමාත්‍යාංශය විගණනයට පවසා ඇත්තේ දුම්රිය ගැල්මගින් වෛද්‍ය සැපයීම් තොග බෙදාහැරීම වඩා ප්‍රායෝගික නොවන බව පෙනී ගියද රජයට වඩාත් වාසිදායක හා පහසුම ක්‍රමය මෙය බවයි.

වෛද්‍ය සැපයීම්   ප්‍රවාහනයට ලොරි රථ ප්‍රමාණවත් නොමැති වීමත් ලැබෙන තොග ගබඩා කිරීමට ඉඩ ප්‍රමාණවත් නොමැති වීමත් හේතුවෙන් ඖෂධ තොග දුම්රිය ගැල් මගින් ආයතන වෙත යොමු කරන බවද සෞඛ්‍ය ප්‍රධානීන්  වැඩිදුරටත්  පවසා ඇත.

අදහස් (5)

රෝහල්වලට යැවූ බෙහෙත් මාස දෙකක් තිස්සේ දුම්රිය වැගන්වල

Nandasena Thursday, 31 October 2024 06:52 AM

නිළධාරි මෙහෙම අනවධානයෙන් අකාර්යක්ෂමතව කටයුතු කරනවා නම් රට අගාධයකට වැටීමට දේශපාලුවො වරදකරුවන් වෙන්නේ කොහොමද මේවා කරන්න සෞඛ්‍ය ඇමැතිවරයාම එන්න ඕනද අවුරුදු 76 ක් හිටපු පාලකයන්ට දොස් කියලා හරියන්නේ කොහොමද රටේ විනාශය සදහා නිළධාරි 75% ක් වගකිවයුතුය කියලා මෙයින් පේනවා සුදුසුකම් නොසළකා දේශපාලන හිතවතුන්ට රැකියා දීම මෙයට ප්‍රධාන හේතුවක් වෙනවා..

: 0 0

TGL Thursday, 31 October 2024 08:46 AM

ලොරි කතාවක් නෙවෙයිනේ මෙතන තියෙන්නේ, බඩු ටික වෙලාවට බාර අරන් නැති කමනේ, සෞඛ්‍ය ලොක්කෝ බයිලානේ ගහන්නේ, මුන්ව තවත් සේවයේ තියා ගන්න ඕනේ නෑ.

: 0 55

Kazi Shajahan Thursday, 31 October 2024 08:49 AM

කොහොමද රනිල් ගේ ගෝලයන්ගේ වැඩ ,මතක තියාගන්න නැවත ඔය ගෝලයෝ ටිකම යවන්න ඕන නේද පාලිමන්ට් එකට

: 34 16

ගුණරත්න Thursday, 31 October 2024 09:48 AM

දුම්රිය මගින් ප්‍රවාහනය රජයට ලාභ දායකම සහ පහසුම ක්‍රමය කියල දැනුමැත්තෙක් කියා තිබෙනවා, එත් ඔය ගාස්තු වලට ප්‍රමාද ගාස්තුව ලක්‍ෂ පනහත් එකතු කරාම ලාභද ? මට තේරෙන විදියට අවුරුද්ද පුරා ලොරි වලින් යැව්වත් ඔය තරම් වියදම් වෙන්නේ නැහැ.

: 21 19

රටවැසියා Friday, 01 November 2024 08:59 AM

එයාලාට ඒවා බාරගන්න වෙලාවක් තියෙන්න එපැයි. එකක් රාජකාරි වෙලාවේත් පුද්ගලික සේවයේ. අනික වැඩවර්ජන. කොහේද ඕවාට වෙලාවක්...?

: 0 0

ඔබේ අදහස් එවන්න

එසැණ පුවත්

පූජනීය ධාතු කොටස් වෙන්දේසියකට සැරසේ

2025 මැයි මස 04 910 0

බොහෝ බෞද්ධ ජනතාවගේ විරෝධතාව මධ්‍යයයේ පූජනීය බෞද්ධ ධාතු 300කට අධික සංඛ්‍යාවකින් යුත් පුරාණ එකතුවක්, බ්‍රිතාන්‍යය පදනම් කරගත් සුප්‍රසිද්ධ ලලිත කලා, එකතු

සබරගමු නවක වද සිද්ධියට සිසුන් හතරක් අත්අඩංගුවට

2025 මැයි මස 04 829 0

සබරගමුව සරසවි සිසුවාගේ මරණයට ඔහුට නවකවදය දුන් බව කියන සිසුන් සිසුන් සිව් දෙනකු අපරාධ පරීක්ෂණ දෙපාර්තමේන්තු මගින් අත්අඩංගුවට ගෙන ඇතැයි පොලිස් මාධ්‍ය

ඡන්දය දෙන්න කතිරයක් පමණයි

2025 මැයි මස 04 534 0

පළාත් පාලන මැතිවරණයේදී ඡන්ද පත්‍රිකාවේ දේශපාලන පක්‍ෂය හෝ ස්වාධීන කණ්ඩායමේ නම් ඉදිරියෙන් මුද්‍රණය කර ඇති සලකුණ ඉදිරියේ තිබෙන හිස් කොටුවේ කතිර සළකුණ ල

ජනපති අග්නිදිග ආසියාවේ ලොකුම පන්සලට යයි

2025 මැයි මස 04 824 0

වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා, අද (4) පස්වරුවේ අග්නිදිග ආසියාවේ විශාලතම බෞද්ධ විහාරස්ථාන වලින් එකක් වන බායි ඩිං (Bai Dinh)

කළුතර මහ නගර සභා අපෙක්ෂක බන්දුල ප්‍රසන්නට වෙඩි තබයි

2025 මැයි මස 04 5514 0

කළුතර මහ නගර සභා අපේක්ෂක බන්දුල ප්‍රසන්න මහතාට නාඳුනන පුද්ගලයකු එල්ල කළ වෙඩි ප්‍රහාරයකින් තුවාල ලබා රෝහල් ගත කළ බව කළුතර දකුණ පොලිසිය පවසයි.

ජනපති-වියට්නාම් කොමියුනිස්ට් පක්ෂ ප්‍රධාන ලේකම් හමුවක්

2025 මැයි මස 04 373 0

වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා, අද (4) පස්වරුවේ හනෝයිහි පිහිටි වියට්නාම් කොමියුනිස්ට් පක්ෂයේ (CPV) මධ්‍යම කාරක සභා මූලස