(අංජුල මහික වීරරත්න)

නවසීලන්ත මහකොමසාරිස් මයිකල් ඇපල්ටන් මහතා සහ දේශගුණික විපර්යාස පිළිබඳ ජනාධිපති ජ්‍යෙෂ්ඨ උපදේශක රුවන් විජයවර්ධන මහතා අතර හමුවක් ජනාධිපති ලේකම් කාර්යාලයේදි පැවැත්විණි.

ලංකාව මුහුණ දෙන දේශගුණික විපර්යාස පිළිබඳව මෙහිදී දීර්ඝ ලෙස සාකච්ඡා කෙරිණි. මීතේන් වායුව අවම කිරීමට අවශ්‍ය තාක්ෂණික සහාය ලබා දෙන ලෙස රුවන් විජයවර්ධන මහතා මහ කොමසාරිස්වරයාගෙන් ඉල්ලීමක් කළේය. ඊට ධනාත්මක ප්‍රතිචාරයක් පළ කළ නවසීලන්ත මහකොමසාරිස්වරයා තමන් මේ සම්බන්ධයෙන් නවසීලන්ත රජය සමඟ ඉක්මනින්ම සාකච්ඡා කරන බවට සහතික විය.

ශ්‍රී ලංකාවේ නවසීලන්ත මහකොමසාරිස් කාර්යාලයේ නිලධාරීහු පිරිසක් ද මෙම අවස්ථාවට එක්ව සිටියහ.