(අංජුල මහික වීරරත්න)

ශ්‍රී ලංකාවේ සිව් දින සංචාරයක නිරතවන භාරතීය ජනතා පක්ෂයේ (BJP) තමිල්නාඩු ප්‍රාන්ත සභාපති කේ.අන්නාමලයි (K. Annamalai) මහතා සහ දේශගුණික විපර්යාස පිළිබඳ ජනාධිපති උපදේශක රුවන් විජයවර්ධන මහතා අතර හමුවක් අද (11) උදෑසන යාපනයේදී සිදුවිය. 

කේ.අන්නාමලයි මහතා මෙහිදී සඳහන් කළේ ඉන්දියාව ශ්‍රී ලංකාවට අඛණ්ඩව සහය දක්වන බවත් දෙරට අතර සබඳතා දැඩි කිරීමට කටයුතු කරන බවත්ය.

 ශ්‍රී ලංකාවේ දෙමළ ජනතාවට සම්බන්ධ ගැටලු පිළිබඳව ද අන්නාමලෙයි මහතා සාකච්ඡා කළේය. මෙම සාකච්ඡාවට ලංකා කම්කරු කොංග්‍රසයේ (CWC) නායක සෙන්දිල් තොණ්ඩමන් (Senthil Thondaman) මහතාද එක්විය.