(අංජුල මහික වීරරත්න)

තමා ජනාධිපති වශයෙන් අනිවාර්යයෙන්ම රැඳවුම් බලතල පාවිච්චි කරන්නේ නැතැයි ජනාධිපති රනිල් වික්‍රමසිංහ මහතා පැවසීය.

සාමකාමී විරෝධතා දැක්වීමේ අයිතිය හැමෝටම තිබෙන අතර සාමකාමී උද්ඝෝෂණ කියා සිදුවෙන්නේ ප්‍රචණ්ඩත්වය නම් එතැන ගැටලුවක් තිබෙන බව ජනාධිපතිවරයා කීය.

රැඳවුම් භාරයේ සිටි පුද්ගලයන් තිදෙනෙක් හැර අනික් අය නිදහස් කර තිබෙන බවත් මාස තුනක රැදවුම් කාලය අවසන් වීමට පෙර ඔවුන් නිදහස් කර ඇතැයි ද කී ජනාධිපතිවරයා  රටේ දේවල් සාමකාමී බැවින් ඔවුන් නිදහස් කළ බව පැවසීය.

සූම්  තාක්ෂණය ඔස්සේ පැවති  ජාත්‍යන්තර සාකච්ඡාවක් අතරතුරදී ජනාධිපතිවරයා මේ බව සඳහන් කළේය.