අනුරාධපුර සාලියපුර ඉපැදී නම ගිය අපරාධකරුවකු වී සිරෙන් ද කිහිපවරක් පැන ගිය  ඩී ජේ සිරිපාල හෙවත් ‘මරු සිරා’ 1975 අගෝස්තු 05 වැනිදා මහනුවර බෝගම්බර සිර ගෙදරදී එල්ලා මැරූ ස්ථානය බැලීමට ඔහු බිරිය  රන් මැණිකා (70) ඇගේ ඥාතීන් සමඟ එහි ගියාය.

ඔහු රදවා සිටි සිර මැදිරියට දුටු ඇය හඬා වැටෙමින් පැවසුයේ ‘සිරිපාල මා දලා ගියා’ යනුවෙනි.

එල්ලුම් ගහ අසලට ගිය ඇය එතැනදීත් හඬා වැටුණාය.

මැරූ දවසට පෙර ඔහු  නිදි බෙහෙත් පෙති අධික ප්‍රමාණයක් ශරීරගත වීම නිසා ඔහු පෝකයට රැගෙන ගියේ සිහිසුන්වය.

දෙපයින් පෝරකයට යන සිරකරුගේ බෙල්ලට තොණ්ඩුව දමා ලණුව පහළ ඇදීමෙන් මොහොතකින් මරණය සිදුවෙතත් ඔහු ගිලන් මැස්සකින් රැගෙන ගොස් ගෙළට තොණ්ඩුව දැමීම නිසා ඔහුගේ ප්‍රාණය නිරුද්ධ වීමට සෑහෙන වේලාවක් ගත වු බව බන්ධනාගාර වාර්තා සඳහන් කරයි.

ඒ සම්බන්ධයෙන් පරීක්ෂණයට ජනාධිපති කොමිසමක් ද පත් කැරිණි.