රුපියල් තිස් හතර ලක්ෂ දස දහසක් වටිනා රත්තරන් කැබැලි 4 ක් සපත්තු පතුලේ අලවාගෙන ඉන්දියාවේ බැංගලෝරය බලා යාමට පැමිණි ශ්රී ලාංකිකයෝ දෙදෙනෙක් කටුනායක ජාත්යන්තර ගුවන් තොටුපොළේදී අත් අඩංගුවට ගත් බව රේගු මාධ්ය ප්රකාශක ලෙස්ලි ගාමිණී මහතා කීවේය.
සැකකරුවෝ කොළඹ පදිංචි වයස 42 සහ 45 වියැති පුද්ගලයෝ බව පොලීසිය කියයි.
අත් අඩංගුවට ගනු ලැබූ රත්තරන් වල බර ග්රෑම් හයසිය අසු දෙකකි.
සැකකරුවෝ ශ්රී ලංකන් ගුවන්සේවයට අයත් යු.එල් 171 දරණ ගුවන් යානයෙන් ඉන්දියාවේ බැංගලෝරය බලා යාමට කටුනායකට පැමිණ සිටියදී ගුවන් තොටුපොළ ආරක්ෂක අංශ විසින් සෝදිසි කිරිමේදී මේ බව දැන රේගුවට බාර දී ඇත.
මේ පිළිබඳව රේගු පරික්ෂණය සිදු කළ නියෝජ්ය රේගු අධ්යක්ෂක ස්ටැන්ලි සේනාරත්න මහතා විසින් සැකකරුවන්ට රුපියල් පනස් දහසක දඩ නියම කොට එම රත්තරන් තොගය රාජසන්තක කළේය.
මේ පිළිබඳ වැඩිදුර විමර්ශණ කටයුතු ගුවන් තොටුපොළ රේගු අධ්යක්ෂක ඒ.කේ.එන් වික්රමසිංහ මහතාගේ අධීක්ෂණය යටතේ නියොජ්ය රේගු අධ්යක්ෂක ස්ටැන්ලි සේනාරත්න මහතාගේ මෙහෙයවීමෙන් ගුවන්තොටුපොළ රේගු නිලධාරීහු සිදු කරති.
COMMENTS
Reply To:
Sisira - cb chds hcdsh cdshcsdchdhd
මිරි වැඩි සඟලක් පැළඳුවේ පුරාණයේ රජවරු. නුතනයේ ගුවන් මගීන්. මේ රාජ සන්තක කරන රත්තරන් හා නියම කරන දඩ මුදල් බැර කරන්නේ කිනම් ගිනුමකටද ? (නදී)
ගුවන් තොටුපොලෙන් අල්ල ගන්න රත්තරන් ටොන් ගානට මොකද වෙන්නේ?(අ)
මේ අල්ල ගත්තු රත්තරන් කන්දරාවම ඇති ලංකාවේ දුප්පත්කම තුරන් කරන්න.ලංකාවේ 45% ක දරුවන් මන්දපෝෂණයෙන් බේරා ගන්න.40% ගැබිණි මව්වරු රක්ත හීනතාවයෙන් බේරා ගන්න.(අ)
රේගු නිලධාරීන්ගේ කැපවීමෙන් යුතු සේවාවට අපගේ ප්රණාමය! (නි)
මේවාට වෙන්න ඇති ඉස්සර කාලයේ මිරිවැඩි සඟල කිව්වේ , ඉන්දියාවට අපේ රටින් පිට කරන රත්තරන් ප්රමාණය කොපමණද කියා ලංකාදීපයේ දිනපතා පුවත් පත බලන මට හිතා ගන්නටත් බැහැ. මේවා අපේ රටේ ධනස්කන්දය නේද? (නදී)
ගාමිණී , ඔබ හරි. (නි)
මේ අල්ලන විදියට මේ වෙනකොට කිලෝ 50ක විතර රත්තරන් රේගුවේ තියෙන්න ඕන. (දී)