(ඩයනා උදයංගනී)
පොලිස් සහ යුද හමුදා ආඥා පනත් අනුව රථ වාහන රාජකාරී සඳහා යුද හමුදා පොලීසිය යෙදවීමේ හැකියාවක් නොහැකි බවත්, එසේ යෙදවීම නීති විරෝධී බවත් එක්සත් ජාතික පක්ෂ කළුතර දිස්ත්රික් පාර්ලිමේන්තු මන්ත්රී අජිත් පී. පෙරේරා මහතා පැවසීය.
පොලිස් සේවා සඳහා යුද හමුදාව යොදා ගැනීමට අවශ්ය නම් ඊට අදාළ පනත් සංශෝධනය කර එම රාජකාරී ඔවුන්ට පැවරීමක් කළ යුතු බව ද මන්ත්රීවරයා සඳහන් කළේය.
එසේ නොමැතිව පොලිස් ආඥා පනත යටතේ ඇති රෙගුලාසි අනුව යුද හමුදා පොලීසියට සිවිල් ජනතාව සම්බන්ධ රථවාහන වැරදි හෝ වෙනත් වැරදි සම්බන්ධ රාජකාරී කිරීමේ හැකියාවක් නැතැයි ද අජිත් පී. පෙරේරා මහතා කීවේය.
මන්ත්රීවරයා මේ බව පැවසුවේ කොළඹ ශ්රීමත් මාකස් ප්රනාන්දු මාවතේ පිහිටි විපක්ෂනායක කාර්යාලයේදී අද (24) පැවති මාධ්ය හමුවක් අමතමිනි.
රටේ නීතිය ගැන නොතකා යුද හමුදා පොලීසිය පොලිස් සේවාවන්හි යෙදවීම පොලිස් නිලධාරීන්ගේ ගරුත්වය පිළිබඳ ප්රශ්නයක් බවද අජිත් පී පෙරේරා මහතා ප්රකාශ කළේය.
හමුදා පොලීසිය හා සාමාන්ය පොලීසියේ සේවා පථය වෙනස් බව කී මන්ත්රීවරයා හිතුවක්කාරී අයුරින් ඔවුන්ගේ රාජකාරී වෙනස් කළ නොහැකි බව ද කීවේය.
එසේ කිරීමෙන් රටේ නීතියේ ආධිපත්යය යටපත් වන බව කී අජිත් පී පෙරේරා මහතා රටේ නීතිය හා ආණ්ඩුක්රම ව්යවස්ථාව තිබෙන්නේ ජනාධිපතිවරයාට ඉහළින් බැවින් ජනාධිපතිවරයා නීතිය අනුව කටයුතු කළ යුතු බව ද පැවසීය.
COMMENTS
Reply To:
Sisira - cb chds hcdsh cdshcsdchdhd
කොළඹ රථවාහන තදබදය අද ගොඩක් වැඩියි . නමුත් ඔවුන්ගේ සහයෝගය රථවාහන ප්රවාහය (traffic flow) එක සඳහා උදව් කිරීමක් පමණයි අප දැක්කේ. ටික දිනකින් හරියයි. එගොලන්ගේ කාලයේ එකට මොකුත් විසදුමක් නොදී දැන් කියනවා. පොලීසියට පගාව ගන්නත් අමාරුයි දැන්. සමහර විට පොලීසිය පැත්තකට වෙලා සිටිනවා මහන්සි නිසා. අව්වේ කරවෙන එක ලේසි නෑ ඔය කෑ ගහනවා වගේ. මම හිතන් නේ මේක හොඳ දෙයක්. ආමි පොලිස් අය දඩ ලියන්න යන්නේ නෑනේ. යමක් වෙනස් කර බැලිය යුතුමයි නව ක්රමයක් සොයාගැනීමට මොකුත් නොකර ඉන්නවට වඩා.
මේ උත්තමයා නීතියට පිටින් වැඩ කරලම නෑ.
හමුදාව දැම්මොත් පගාව දීල යන්නත් බැරි වෙනවා වගේම මම නෙවේ අනතුර කරේ කියලා වෙන අය දාන්නත් බැරි වෙනවා. ඒක තමයි මේ අය බය වෙලා තියෙන්නේ. පොඩි මිනිහට හමුදාව හොදයි.
පුදපු ගමන් කාපු යකා කිව්වලු. හරි ආඩම්බරයි ඔබතුමා ගැන.
අපිටත් ඕනේ කොහොමහරි වාහන තදබදය අඩු කරගන්න. අනික හමුදාවේ අය ඒක කොහොමත් ක්රමානුකුලව කරයි. එතකොට ඒක කාටත් හොඳයි.
අම්මේ නිතියටමයි මෙයාලා කරේ. වැඩේ වෙනවනම් මගුලේ නිති තවත්......
නීතියට ඉහළින් කිසිවකුට යා නොහැකිය.
මෙයාලට හමුදාව කිව්වොත් නයාට අඳුකොල වගේ. කට පියාගෙන නොහිටියොත් තියෙන ඡන්ද ටිකත් නැතිවේවි.
මොනවා කලත් වැරදි විදිහටනේ දකින්නේ. දැක්කනේ අවුරුදු හතර හමාරක් කරපු හරිය. කොළඹ පයින් යන්න බැරි තරමට කැත කළ අය දැන් ලොකුවට කිව්වට දැන් බලන් ඉන්න බැරි නිසා ඔය වගේ ගොන් කතා නොකර හිටියොත් හොඳයි. නැත්නම් තිබ්බ ඡන්ද ටිකත් නැතිවෙයි. ආසනේ දිනවගන්න බැරිව රට හදන්නේ කොහොමද ?
ඔබතුමන්ලගේ කාලයේ මේ ගැටලුවට හරි හමන් පියවරක් ගත්තනම් රණ විරුවන්ටයි ජනතාවටයි මේ තරම් අපහසුතාවකට පත්වෙන්න සිදුවෙන්නෙ නෑනේ. අනික ඔබතුමන්ලා මාධ්ය හමු තිය තියා මේ ගැන පැහැදිලි කරන්න අවශ්යතාවයක් නෑ. මිනිස්සු දන්නවා මිලිටරි පොලීසියකයි සාමාන්ය පොලීසියකයි අතර ඇති වෙනස. හැබැයි ඔබතුමන්ලට නොතේරන එකම දේ තමා සාමාන්ය මිනිස්සු මාර්ග තදබදයට උදේටයි හවසටයි ලක්වෙමින් පැය ගණන් රස්තියාදු වෙද්දි ඒ දැනෙන අමාරුව. හැබැයි දැන් හරි ඒ මාර්ග තදබදයට හසුවෙලා ඔබතුමන්ලාටත් පැය ගණන් රස්තියාදු වෙන්න සිදුවෙයි කියලද මන්දා රණවිරු නිල ඇදුම දකිද්ද ඔබතුමන්ලාට මේ තරම් දැනෙන රිදුම....
අනේ යන්න මාමේ බොරු කියන්නේ නැතුව.......
හමුදාවේ අය යොදවන්නෙ හොද වැඩකටනේ.....මොකද්ද තියෙන අවුල? පොලිසියේ අයනම් ජරාව කන බව රටම දන්නවා.