රතුපස්වල කම්හල ටිකෙන් ටික බියගමට

වැලීවේරිය රතුපස්වල නැඳුන්ගමුව පිහිටි වෙනීග්‍රොස් රබර් අත්වැසුම් කම්හළ බියගම ආයෝජන කළාපයට ගෙනයන බවත් එහි නිෂ්පාදන කටයුතු සිදු කළ යන්ත‍්‍රාගාර පහෙන් තුනක් ගලවා ඉවත්කිරීමේ කටයුතු මේ දිනවල සිදු කරමින් පවතින බවත් එහි කළමනාකාර අධ්‍යක්ෂක ආචාර්‍ය මහේෂ රණසෝම මහතා අද එසැනට පැවසුවේය.

නැඳුන්ගමුවේ අක්කර පහලොව හමාරක පමණ භූමි භාගයක මෙම කර්මාන්තශාලාව පිහිටා ඇතත් බියගම ආයෝජන කලාපයෙන් මෙය ස්තාපනය කිරීම සඳහා ලැබී ඇත්තේ අක්කර පහක ඉඩ ප‍්‍රමාණයකි.

නැඳුන්ගමුවේ පිහිටි කර්මාන්ත ශාලාවේ ඇති මුළු යන්ත‍්‍රාගාර ගනන පහකි.

බියගම ආයෝජන කලාපයේ මේ සඳහා වෙන්කර ඇති ඉඩ ප‍්‍රමාණය අනුව මුලින්ම එහි සවිකිරීමට හැකිවන්නේ මින් යන්ත‍්‍රාගාර තුනක් බවත් ඉතිරි යන්ත‍්‍රාගාර දෙක ඉතිරි ඉඩ ප‍්‍රමානයේ සවිකිරීමට හැකිවන ලෙස නවීකරණය කළ යුතු බැවින් එම කටයුතු අවසන් කිරීම සඳහා යම් කාලයක් ගත වන බවත් ඔහු පැවසුවේය.

කෙසේ වෙතත් සියළු යාන්ත‍්‍රාගාර නැඳුන්ගමුවෙන් ඉවත්කිරිමට තම ආයතනයේ පාලනාධිකාරිය තීරණය කර ඇති බවත් කීය.

මෙම යන්ත්‍ර සුත්‍ර නැවත සවිකිරීමට හැකිවන අයුරින් ගැලවීම ඉතා අසීරු කටයුත්තක් බවත් ඒවා යළි සවිකිරීමද එකින් එක කළ යුතු බවද ඔහු කීවේය.

කෙසේ වෙතත් එක් යන්ත‍්‍රාගාරයක් හෝ බියගම ආයෝජන කලාපයේ ස්ථාපනය කළ පසු ලබන ජූලි මාසයේ පමණ මෙතෙක් නවතා දමා ඇති නිෂ්පාදන කටයුතු ඇරඹීමට බලාපොරොත්තු වන බවත් ඒ මහතා කීවේය.

රතුපස්වල ප‍්‍රදේශයේ ජල දූෂනයට තම ආයතනය වග කිවයුතු බව මෙතෙක් කිසිදු පරීක්ෂන වාර්ථාවකින් ඔප්පු වී නැති බවද කී ඒ මහතා පැවසුවේ තවදුරටත් මෙම කර්මාන්ත ශාලාව පවත්වාගෙන යාමට ගැමියන් තුළ පවතින දැඩි විරෝදය හේතුවෙන් ඔවුන් ගැන සිතා මෙම තීරණය ගත් බවයි.

අදහස් (0)

රතුපස්වල කම්හල ටිකෙන් ටික බියගමට

සෝමදාස Tuesday, 14 January 2014 10:46 PM

පරිසරදූෂක බොහොමයක් කම්හල් පටන්ගන්නෙ බලපත්‍ර රහිතව.ඒව පටන්ගත්තට පසුව වහන්න අපහසුයි විවිධ බලපෑම් නිසා. බලපත්‍ර තියෙනඒව වහන්න කොහෙත්ම ලෙහෙසි නැහැ. මහ පොලව මිනිස් වාසයට අහිතකර තැනක් වුනොත් මොනව වෙයිද? මෙය වටිනා කම්හලක් බව ඇත්තක්. ඒකිසා එය සුදුසු ස්ථානයක පිහිටුවීමට දැන්වත් කටයුතු කිරීම සතුටට කරැණක්.(දිල්)

: 0 0

සුරේෂ් Tuesday, 14 January 2014 11:04 PM

මිනිස්සු සමගිව හිටිය නිසා නැදුන්ගමුවේ මිනිස්සු වාසනාවන්ත වුණා.කර්මාන්ත ශාලාව ගලවගෙන යනකල්ම සමගියන් අවදානයෙන් ඉන්න.බොරු කාරයොන්ට අහු වෙන්න එපා අන්තිම මොහාතේ.(දිල්)

: 0 0

සුරේෂ්. Friday, 17 January 2014 11:23 AM

සමහර අය හැදුවේ මේක මෙතනම තියාගන තුවාලයක් වගේ තියාගන්න (දිල්)

: 0 0

බියගම Wednesday, 15 January 2014 10:13 AM

දැන් එතකොට ඊලගට වතුර ප්‍රශ්නේ එන්නේ බියගම මිනිස්සුන්ට නේ....?? ඒකට මොකක්ද ගන්න පියවර.....?? (දී)

: 0 0

බංඩාර Tuesday, 14 January 2014 06:10 PM

මේක ලංකාවට වටිනා කම්හලක් දන්නෝ දනිති මේකේ මොනවද හැදුවේ කියලා. දැන් ඉතින් වැඩ කරන කට්ටියට බියගම යන්න වෙනවනේ.(නදී)

: 0 0

රජින්ද Tuesday, 14 January 2014 07:08 PM

අනිවාර්යෙන්ම විය යුතු වැඩක්. හැබැයි පුතෝ ඡන්ද ගුණ්ඩුවක් නම් මෙදා ගමන ඔය පළාතේ මිනිස්සු ඔය යන්ත්‍ර ටික දවසෙන් ගලවලා අයින් කරාවි. ඒ නිසා කෙටි කාලයක් ගත උනත් ඔය කර්මාන්ත ශාලාව වගේම අර මිනුවන්ගොඩ පැත්තේ තියෙන කාබන් නිපදවන කර්මන්ත ශාලාවත් ඒවා පිහිටුවීමට සුදුසු ස්ථාන වල පිහිටුවන්න.(නදී)

: 0 0

අජිත් කරුණාරත්න Wednesday, 15 January 2014 12:55 PM

මම මේ හොයන්නේ ඔය කම්හල බියගමට ගෙනාවොත් උපවාස කරනවා කියපු බියගම හිටපු සභාපතිතුමාව.,අනේ කවුරු හරි එයාව දැක්කොත් පණිවිඩේ කියනවද? (දී)

: 0 0

චානක Wednesday, 15 January 2014 01:15 PM

චන්දෙ තිබ්බ නිසා හොදට ගියා (දී)

: 0 0

පිටබැද්දර ජයා Wednesday, 15 January 2014 01:15 PM

ඔන්න බන්දුල අපේ මතය නිවැරදියි නේද ? මින් මතුවටත් කඩේ නොයා හරි දැක්මක් ඇතුව රට අංක එකට තියල අදහස් දෙම්මොත් හොඳයි ඔන් කීව (දී)

: 0 0

එදිරිසිංහ ඉන්දික Tuesday, 14 January 2014 08:15 PM

පරීක්ෂණ වාර්තා වලින් කර්මාන්ත ශාලාව නිදොස් නම් වෙන අහවල් කාරනයටද මේ වැඩපල ගෙනියන්නේ මේක ලංකාවේ පරිෂණ කණ්ඩායම්වල දුර්වල කමද ? (නදී)

: 0 0

චාරක විජේසිංහ Tuesday, 14 January 2014 09:08 PM

මේ කම්හල ගමෙන් ගිනියන්න අපිට සහය දුන් ඔබ සැමට පින්. හැබැයි මෙහෙම ගියාට ඉතුරු යන්ත්‍රවලින් වැඩ කරන්න නම් එපා. අපි බලන් ඉන්නේ.(නදී)

: 0 0

කවීන්ග Tuesday, 14 January 2014 09:49 PM

පුදුමයක් නෙමෙයි පරිසර අමාත්‍යංශයෙත් ඉන්නේ දේශපාලඥයෝනේ. ජලය දුෂණය වෙලා කියල පරීක්ෂන වාර්ථාවකින් ඔප්පු උනොත් ඒ ලංකාවේ නෙමේ ඇමරිකාවේ. (නදී)

: 0 0