(මොහොමඩ් ආසික්)

දිවයිනේ බොහෝ ප්‍රදේශවලට යළි අධික වැසි ඇති වීමත් සමඟ මහනුවර සහ නුවරඑළිය දිස්ත්‍රික්කවල ප්‍රාදේශිය ලේකම් කොට්ඨාස හතකට  ජාතික ගොඩනැගිලි පර්යේෂණ සංවිධානය විසින් රතු නිවේන නිකුත් කර ඇති අතර තවත්  දිස්ත්‍රික්ක තුනක ප්‍රාදේශිය ලේකම් කාට්ඨාස  19 කට දෙවන මට්ටමේ  නිවේදනය සහ ප්‍රාදේශීය ලේකම් කොට්ඨාස 32 කට පළමු මට්ටමේ අවවාදාත්මක නිවේදනය ජාතික ගොඩනැගිලි පර්යේෂණ සංවිධානය විසින්  අද (18) අලුයම නිකුත් කර තිබේ.

ඒ අනුව මහනුවර දිස්ත්‍රික්කයේ දොළුව උඩදුම්බර සහ මැදදුම්බර යන ප්‍රාදේශීය ලේකම් කොට්ඨාස සඳහා සහ නුවරඑළිය  දිස්ත්‍රික්කයේ මතුරට, නිල්දණ්ඩාහින්, මතුරට සහ වලපනේ යන ප්‍රාදේශීය ලේකම් කොට්ඨාස හත සඳහා තෙවන මට්ටමේ ඉවත් වීමේ රතු නිවේදනය නිකුත් කර ඇත.

එයට අමතරව මහනුවර දිස්ත්‍රික්කයේ පාතහේවාහැට, යටිනුවර,පන්විල, ගඟවට කෝරළය,උඩුනුවර, පස්බාගේ කෝළය,හාරිස්පත්තුව තුම්පනේ,පාතදුම්බර, අකුරණ,හතරලියද්ද, දෙල්තොට,පූජාපිටිය, මිනිපේ,උඩපළාත, ගඟඉහළ කෝරළය, සහ කුණ්ඩසාලේ,  කුරුණෑගල දිස්ත්‍රික්කයේ රිදීගම, නුවරඑළිය දිස්ත්‍රික්කයේ නුවරඑළිය යන දිස්ත්‍රික්කවලට දෙවන  මට්ටමේ නිවේදනයද නිකුත්  කර තිබේ.

බදුල්ල දිස්ත්‍රික්කයේ ඌව පරණගම, හාලිඇල,බදුල්ල,මී ගහකිවුල, හල්දුම්මුල්ල,කන්දකැටිය, පස්සර,සොරණාතොට , ඇල්ල,වැලිමඩ, ලුණුගල,හපුතලේ සහ බණ්ඩාරවෙල, කුරුණෑගල දිස්ත්‍රික්කයේ පොල්ගහවෙල, අලව්ව, මල්ලවපිටිය,සහ මාවතගම  මාතලේ දිස්ත්‍රික්කයේ මාතලේ රත්තොට, නාවුල,පල්ලේපොළ උකුවෙල,යටවත්ත, අඹන්ගඟ කෝරළය,ලග්ගල පල්ලේගම සහ විල්ගමුව නුවරඑළිය දිස්ත්‍රික්කයේ අඹන්ඟග කෝරළය, තලවකැලේ, නෝර්වුඩ්, කොත්මලේ බටහිර, කොත්මලේ නැගෙනහිර යන ප්‍රා දේශීය ලේකම් කොට්ඨාස සඳහා පළමු මට්ටමේ විමසිලිමත්ව සිටිමේ නිවේදනය ද නිකත් තර තිබේ

ජාතික ගොඩනැගිලි පර්යේෂණ සංවිධානය විසින් අද 18 වනදා අළුයම නිකුත් කර ඇති මෙම  අනතුරු ඇඟවීමේ නිවේදනය අද 19 වනදා අළුයම   දක්වා බල පැවැත්වෙන  බවත්  එම සංවිධානය කියයි.

තෙවන මට්ටමේ රතු නිවේදන නිකුත් කර ඇති මෙම  ප්‍රදේශවලට පසුගිය පැය 24 කාලය තුල මිලි මිටර් 150 ඉක්මවූ වර්ෂාපතනයක් ලැබී ඇති බැවින්  වර්ෂාව තව දුරටත් පවතී නම් එම ප්‍රදේශවල ජනතාව ආරක්ෂිත ස්ථාන කරා යා යුතු බවත් ජාතික ගොඩනැගිලි පර්යේෂණ සංවිධානය තව දුරටත් කියයි. දෙවන මට්ටමේ  නිවේදනය නිකුත් කර ඇති ප්‍ර දේශවලට පසුගිය පැය 24 තුල මිලි මීටර් 100 ඉක්මවූ සහ පළමු මට්ටමේ නිවේදනය නිකුත් කර ඇති ප්‍ර දේශවලට මිලි මීටර් 75 ඉක්මවූ වර්ෂාපතනයක්ද ලැබී ඇති බැවින් තව දුරටත් වැසි පවතී නම් ආරක්ෂිත පියවර අනුගමනය කරන ලෙසත් ජාතික ගොඩනැගිලි පර්යේෂණ සංවිධානය ජනතාවගෙන් ඉල්ලා සිටියි.