(අමිල චින්තක ගමගේ) 

යුද්ධයෙන් මියගිය අය සැමරීමට දෙමළ ජනතාවට ඇති අයිතිය උල්ලංඝනය නොකරන ලෙස ජන අරගල සන්ධානය ආණ්ඩුවෙන් ඉල්ලා සිටි.

ජන අරගල සන්ධානයේ ජාතික විධායක සභික නීතිඥ නුවන් බෝපගේ මහතා සඳහන් කරන්නේ තමන්ගේ මියගිය අය සමරණ අයිතිය උතුර දකුණ බේදයකින් තොරව සැමටම ලැබිය යුතු බවයි.

යම් යම් කොන්දේසි සහිතව උතුරේ මියගිය අය සැමරීමට ඉඩ දෙන බව ආණ්ඩුව ප්‍රකාශ කළත් දකුණෙත් එවැනි සැමරුම් කිරීමට ඉඩ දෙන්නේ කොන්දේසි දමා දැයි ප්‍රශ්න කරන බව ජන අරගල සන්ධානය විමසා සිටි.

දෙමළ ජනතාව මියගිය අය සමරන්නේ එල්.ටී.ටී.ඊ සංවිධානයේ ප්‍රවර්ධනය කිරීමේ අරමුණින් නොවන බවත් එවැනි තත්ත්වයක් තුළ දෙමළ ජනතාවට පමණක් කොන්දේසි දමමින් ඔවුන් හිර කිරීම අසාධාරණ බවද ජන අරගල සන්ධානය සඳහන් කර සිටී.